کاروار :۲۷/ستمبر (ایس او نیوز) ضلع قانونی خدمات بورڈ، ضلع وکلاء تنظیم ، محکمہ برائے خاتون و اطفال فلاح وبہبودی اور ضلع صحت عامہ محکمہ کے اشتراک سےقومی سطح کا ’’مقوی غذا ‘‘ ہفتہ منایا جارہاہے ، اس تعلق سے بینگا گنگی واڑہ کی کنڑا ماڈل پرائمری اسکول کے صحن میں منعقدہ پروگرام کا سول جج اور ضلع قانونی بورڈ کے سکریٹری دویندر پنڈت نے افتتاح کرنے کے بعد خطاب کرتے ہوئے کہاکہ انسان کو جینے کے لئے پاکیزہ اور تازہ ہوا، پانی جس طرح لازمی ہے بالکل اسی طرح مقوی غذا بھی اہم ہے۔ غیر مقوی غذا سے بچے کمزور ہوجاتے ہیں ایسے بچوں کی نشاندہی کرتے ہوئے انہیں مقوی غذا فراہم کرنا سب کی ذمہ داری ہے۔ پروگرام میں تعلقہ میڈیکل افسر ڈاکٹر سورج نایک اورمیڈیکل تعلیم افسر رام چندر مڈیوال نے بھی خطاب کیا۔ خاتون محکمہ کے نائب ڈائرکٹر راجیندر بیکل نے محکمہ کے ذریعے انجام دئیے جارہے کاموں کی تفصیلات پیش کیں۔ کاروار بلدیہ کی نائب صدر شویتا نائک نے پروگرام کی صدارت کی۔ ڈائس پر اسکول کے صدر مدرس ، صحت عامہ مرکز کے ڈاکٹر موجود تھے۔ آنگن واڑی کارکن چھایا سالکر نے نظامت کی ، پی ایچ نائک نے استقبال کیا،ایس آر جوشی نے شکریہ اداکیا۔
اگریگولڈ ایجنٹ پر حملہ کئے جانے کی اگریگولڈ ہت رکشھنا ویدیکے نے مذمت کی ہے۔ اس سلسلے میں بیان جاری کرتے ہوئے ویدیکے کے نارائن کے شٹی نے کہا ہے کہ کمپنی مسائل سے دوچار ہے ، معاملے عدالت میں زیر سماعت ہے، گاہکوں اور ایجنٹوں کے حقوق کے تحفظ کے لئے ویدیکے جدوجہد کرنے کی بات کہی ۔
SahilOnline Coastal news bulletin in URDU dated 27th Sep 2016: