کاروار:کروالی منجاؤ کے مینجنگ ایڈیٹر گنگا دھر ہیرے گتی کو ریاستی سطح کا صحافتی ایوارڈ
کاروار:16/مئی (ایس اؤنیوز)ضلع اترکنڑا کے ضلعی کنڑا اخبار ’’کراولی منجاؤ‘ کے مینجنگ ایڈیٹر گنگا دھر ہیرے گتی کو ریاست کے مشہور ایوارڈ ’موہرے ہنومنت رائے ‘ایوارڈ اور ٹی ایس آر اسمارک ایوار ڈ کے لئے پرجاوانی کے موظف معاون مدیرناگیش ہیگڈے کے لئے منتخب کیا گیا ہے۔
موظف منصف اندرکلا کی صدارت والی انتخابی کمیٹی نے کئی میٹنگوں کے بعد حتمی طورپر ریاست کے دونوں سنئیر اور سنجیدہ صحافیوں کو منتخب کرتے ہوئے حکومت کو سفارش روانہ کی تھی جس کو حکومت نے منظوری دی ہے۔ کراولی منجاؤ اخبار ابتداء میں صرف اترکنڑا ضلع تک ہی محدود تھا،بعد میں اخبار کو ریاست گو اتک توسیع دی گئی ۔ ریاست گو امیں کنڑا صحافت کو فروغ دینے میں گنگادھر ہیرے گتی کامیاب ہوئے تھے۔ اترکنڑا ضلع اور گو امیں سب سے زیادہ شائع ہونےو الے کنڑا اخبار کروالی منجاؤضلعی خبروں کے ساتھ ریاستی ، ملکی اور بین الاقوامی سطح کے حامل اہم خبروں کو بھی شائع کرتاہے۔
اترکنڑا ضلع کنڑا ساہتیہ پریشد کے ضلعی صدر اروند کرکی کوڑی نے ضلع کے 2سنئیر صحافیوں کو ریاستی سطح کے ایوارڈ کے لئے منتخب کئے جانے پر ضلع کے لئے فخریہ مقام ہونے کا خیال ظاہر کیا ہے۔2 اہل ،باصلاحیت اور قابل صحافیوں کو ایوارڈ سے نوازے جانے پر انہوں نے ریاستی حکومت کا بھی شکریہ اداکیا۔ انہوں نے گنگادھر ہیرے گتی کے متعلق کہا کہ لفظ صحافت کو حقیقی معنی دینے میں ان کی کاوشیں قابل ستائش ہیں۔ انہوں نے ایمانداری کے ساتھ اپنے الفاظ کا استعمال کرتے ہوئے صحافت کی لاج رکھی ہے۔