کاروار:13/ نومبر (ایس اؤنیوز)ایکسائز محکمہ کے افسران نے شہر کے کوڑی باگ ، الوے واڑا میں غیر قانونی سپلائی کی جارہی گوا شراب اور سپلائی کے لئے استعمال کی گئی سواری کو ضبط کرلینے کا واقعہ پیش آیا ہے۔

سنیچر کی رات ایکسائز افسران شہر کے سرودیا نگر روڈ کی کراس پر سڑک حفاظت میں گشت لگانے کے دوران ہونڈا ایکٹیوا سواری پر شبہ ہونے سے افسران سواری کا پیچھا کرنے لگے بائک سوار سواری چھوڑ کر فرار ہوگیا۔ ایکسائز والوں نے جب سواری کی جانچ کی تو اس میں غیر قانونی گوا شراب کا پتہ چلا۔ افسران نے سواری میں موجود مختلف نام کی شراب کو ضبط کرلینے کے بعد کیس درج کرلیا ہے۔ ضبط شدہ شراب اور سواری کی مالیت کا اندازا قریب 46ہزار روپئے لگایا گیا ہے۔ کارروائی کے بعد ایکسائز انسپکٹر سورنا نائک نے مندرجہ کیس کی جانچ کررہی ہیں۔ جب کہ کارروائی میں ایس وائی بھوی ، این این خان، سواری ڈرائیور شنور جمعدار اور مزدور ارون انکولیکر شریک تھے۔