کاروار:بس کے ذریعے غیرقانونی سپلائی کی جارہی شراب ضبط :دوخواتین پولس کی تحویل میں
کاروار:25/اپریل (ایس او نیوز)کے ایس آرٹی سی بس میں غیر قانونی طورپر شراب سپلائی کے دوران چھاپہ مار کر ڈی سی بی پولس نے 20ہزار روپئے مالیت کی شراب ضبط کرلی ہے اور دو خاتون ملزموں کو گرفتارکرکے کیس درج کرلینے کا واقعہ پیش آیاہے۔
ماجالی سے کاروار کی طرف چلنے والی کے ایس آرٹی سی بس میں غیر قانونی شراب سپلائی کرنے کی مصدقہ خبر پر ضلع کرائم دستہ(ڈی سی بی )پولس نے دیویکر کالج کے قریب چھاپہ مارا۔گواشراب کی106بوتلیں ضبط کرلیں ۔ 80لیٹر کی شراب کی اندازاً قیمت 20ہزاروپئے لگائی گئی ہے۔ شراب کرنے والی چتاکول سی برڈ کالونی کی ششی کلا رام چندر تانڈیل اور ہارواڑا ،گابیت واڈ کی آشا وشوناتھ شٹی کو گرفتارکرلیاہے۔ ڈی سی بی پولس انسپکٹر رام چندر کے نایک کی قیادت میں ڈی سی بی عملہ کارروائی میں شریک تھا۔