کاروار:وزیرداخلہ کے لئے کوئی چاہت نہیں ہے : آر وی دیش پانڈے
کاروار:16/اگست (ایس اؤنیوز)میں نے اپنی سیاسی زندگی میں کئی اتار چڑھاؤ دیکھے ہیں، میری تاریخ میں کبھی بھی وزرات کے لئے لابی نہیں کیا ہوں۔ آ ج بھی ریاست کی کابینہ میں خالی وزرات ِ داخلہ کے لئے میں نے کوشش نہیں کی ہے، ایسی وزارت پر نہ میری نگاہ ہے، اس طرح ریاستی کابینہ کے وزیر برائے بڑی اور متوسط صنعت آر وی دیش پانڈے نے خیال ظاہرکیا۔
وہ یہاں یوم ِ آزادی کے جشن میں شریک ہونے کے بعد اخبارنویسوں سے بات کرتے ہوئے اپنے خیالات کااظہار کررہے تھے۔ میں نے وزیر داخلہ کے لئے نہ لابی کیا ہوں اور نہ مجھے چاہت ہے ، جو محکمہ اور وزارت اس وقت میرے پاس ہے سب سے بہترین ہے۔ میری سیاسی زندگی کی تاریخ میں کبھی کسی محکمہ کے لئے دباؤ نہیں ڈالا ہوں ، اور نہ وہ میرا طریقہ کار ہے۔ جو ذمہ داری اس وقت مجھے دی گئی ہے انہی کاموں میں مشغول ہوں، مزید وزارتوں کی چاہت نہیں ہونے کی بات اخبارنویسوں سے کہی۔