کاروار: عوامی ٹائلٹ کی بدانتظامی کے لئے بلدیہ عملہ ذمہ دار؟: عوام کا الزام
کاروار :8/ اکتوبر(ایس اؤ نیوز) سوچھ ہی سیوا مہم کے ذریعے ایک طرف پاکی صفائی کی جارہی ہے تو دوسر ی طرف مقامی انتظامیہ شہر کے عوامی ٹائلٹ کی طرف توجہ نہیں دینے کا الزام بھی لگایا جارہاہے۔ شہر کے 6عوامی ٹائلٹ بلدیہ عملے کی غفلت کی وجہ سے بے کار ہوگئے ہیں۔
کاروار شہر کو میدانی رفع حاجت سے پاک قرار دینے کی تیاری چل رہی ہے ، مگر یہاں کے عوامی ٹائلٹ کی خستہ حالت بیان کررہی ہے کہ صفائی ناممکن سی دکھائی دے رہی ہے۔ ہندو ہائی اسکول کے پڑوس والے عوامی ٹائلٹ کا درواز ہ کبھی کبھار کھلتا ہے تو بلدیہ کے عقب میں موجود ٹائلٹ کا بھی یہی حال ہے۔ ٹائلٹ کا دروازہ ہمیشہ بند دیکھ کر عوام دور سے ہی لوٹ جاتے ہیں۔ کچھ ٹائلٹ کچھ گھنٹوں کے لئے کام کرتے ہیں اس کے بعد بند ہوجاتے ہیں۔
شہر کو میدانی رفع حاجت سے پاک فہرست میں شمار کرنے کے لئے گزشتہ کچھ مہینوں پہلے غیر استعمال ٹائلٹ کو صرف اس لئے استعمال میں لایا گیا ہے ،صحیح انتظام نہیں ہونے سے گندی بو آرہے عوامی ٹائلٹ کی دیواروں کو چونا وغیرہ لگا کر کچھ نیا نیا بنایاگیا ہے۔ شہر کے 6عوامی ٹائلٹ کی تجدید کئے جانے کے سوا کوئی استعمال کے لائق نہیں ہے۔ عوامی ٹائلٹ کی دیکھ ریکھ کے لئے ٹینڈر بلانا باقی ہے، فی الحال بلدیہ کی طرف سے عارضی طورپر عملے کو تعینات کیاگیا ہے، جس عملے کو ٹائلٹ کی پاکی صفائی کے لئے تعینات کیاگیا وہ اپنی مرضی کے مطابق کام کئے جانے کا الزام لگایاگیا ہے۔