کاروار:15/ فروری (ایس اؤنیوز)شہر کے ٹیگور بیچ پر ہنومان مورتی کے قریب ساحلی کٹاؤ کو روکنے کے لئےتعمیر کئے جانے والی سمندری دیوار کی سخت مخالفت کے باوجود جمعرات کو دوبارہ تعمیراتی کام شروع کئے جانے پر ٹھیکدار کا گھیراؤ کئے جانے کا واقعہ پیش آیا ہے۔ آنند اسنوٹیکر نے ماہی گیرا حتجاج کی حمایت کرتے ہوئے سمندری دیوار تعمیر نہ کرنے کی ہدایت کی۔
بیچ پر 48میٹر لمبی سمندری دیوار کی تعمیر کے خلاف بدھ کو ماہی گیروں نے مخالفت کرتے ہوئے احتجاج کیا تھا۔ جس کی سابق وزیر آنند اسنوٹیکر نے بھی حمایت کرتے ہوئے جائے وقوع پہنچ کر دیوار تعمیر کو روکنےکی بات کہی۔ اس موقع پر ماہی گیروں نے ٹھیکدار وجئے دیسائی کا گھیراؤ بھی کیا۔ بیچ پر روایتی ماہی گیری کو سد راہ بننے والی سمندری دیوار کی تعمیر کے خلاف احتجاج کرتےہوئے ماہی گیروں نے رکن اسمبلی ستیش سئیل کےخلاف نعرے بازی کی۔ ٹیگور بیچ پر باربار ماہی گیروں کو پریشان کئے جانے پر بھی رکن اسمبلی خاموش ہیں۔ ماہی گیروں کی مخالفت کے باوجود تعمیراتی کام شروع کئےجانے پر ماہی گیروں نے رکن اسمبلی پر الزام عائد کرتے ہوئے کہاکہ اس کام کے لئے رکن اسمبلی کی حمایت حاصل ہے۔
حالات سنگین رخ اختیار کرتے دیکھ کر آنند اسنوٹیکر نے ماہی گیروں کو مطمئن کیا اور ماہی گیروں اور عوام کے لئے پریشانی کا باعث بننے والی اس سمندری دیوار کی تعمیر ضروری نہیں ہے ، اس سلسلے میں ضلع انتظامیہ ، ماہی گیروں اور عوام کے ساتھ گفتگو کے بعد اگلے قدم اٹھانے کی تاکید کی۔ بلدیہ ممبر رویندر باناولی نے تعمیر کو لےکر عدالت پہنچنے کی بات کہتے ہوئے وکیل جی ٹی نائک کو جائے وقوع بلا کر قانونی صلاح لی۔ اس موقع پر محکمہ بندرگاہ کے انجنئیر راج کمار ہیڈے، انجنئیر منجوناتھ نامدھاری نے تعمیراتی کام کوروک دیا۔ بلدیہ کے سابق ممبر گھنشیام ، ماہی گیر لیڈران سلوے راج، سبھاش، گجا، مدھوکر، گنیش ،پانڈورنگا، تکارام ، آنند ، رتیش وغیرہ موجود تھے۔