کاروار:12/اپریل (ایس او نیوز)میڈیا کے مختلف ذرائع کا استعمال کرتےہوئے اشتہار بازی کرنےو الی سیاسی پارٹیوں اور امیدواروں کو میڈیا سرٹیفکیشن حاصل کرنا لازمی ہوگا، اسبات کی اطلاع  اترکنڑا ڈپٹی کمشنر ایس ایس نکول نے دی۔

ڈی سی نے بتایا کہ ودھان سبھاانتخابات 2018کے اعلان کے ساتھ ہی ریاست بھر میں انتخابی ضابطہ ٔ اخلاق نافذ ہوچکا ہے، جس کے پس منظر میں جو بھی سیاسی پارٹی یا امیدوار میڈیا کے مختلف النوع ذرائع کا استعمال کرتے ہوئے اپنی تشہیر کرنا چاہتی ہوں تو اُسے پہلے اایڈیشنل ڈی سی کی صدارت والی میڈیا سرٹیفکیشن سیل کے ذریعے طئے شدہ فارم میں عرضی سونپنا ہوگا اور ایک سند لینا ہوگا۔

پریس ریلیز میں کہاگیا ہے کہ ڈی سی دفتر کے ایم سی ایم سی کمیٹی کمرے میں متعینہ عرضی فارم دستیاب ہیں۔ میڈیا میں اشتہار دینے سے تین دن پہلے متعلقہ ڈی وی ڈی (الکٹرانک فارم) کی دو نقل سونپنی ہوگی ، جہاں انتخابی ضابطۂ اخلاق کو دھیان میں رکھتے ہوئے کسی بھی خلاف ورزی کے نقاط نہ ہونے کی تصدیق کرلینے کے بعد دو دن میں مصدقہ سند دی جائے گی۔ اگر اس پر کوئی اعتراض ہوتو ڈی سی کی صدارت والی کمیٹی میں حتمی فیصلہ لیا جائے گا۔

اسی طرح ایل ای ڈی سواری کے ذریعے اشتہاربازی کرنےوالی سیاسی پارٹیوں کو ایل ای ڈی سواریوں کے لئے کرناٹکا چیف الیکشن کمشنر سے تصدیق نامہ لینا ضروری ہوگا اور ایل ای ڈی پردے پر تشہیر ی اشیاء کی جانچ کے بعد ضلع سطح کی سرٹیفکیشن سیل منظوری دے گی۔ ایل ای ڈی سواریوں کے ذریعے تشہیر بازی، الکٹرانک میڈیا ٹی وی ، کیبل ٹی وی ، بلک ایس ایم ایس ، ای پیپرجیسے ذرائع سے تشہیربازی کے لئے انکزر اے عرضی فارم کی درخواست دینا لازمی ہے ۔ اسی طرح میڈیا کے لئے بھی ضروری ہوگا کہ وہ کسی بھی سیاسی پارٹی یا امیدوار کی تشہیر کرنےسے پہلے منظور نامہ اور ڈی سی دفتر کی طرف سے سند کی تصدیق کرے۔