کاروار: سمندر میں لائٹ فشنگ میں مصروف 6ماہی گیربوٹ ضبط : فی کس 1لاکھ روپئے جرمانہ
کاروار :29/ جنوری (ایس اؤنیوز)سمندر میں لائٹ فشنگ پر پابندی عائد کرنےکے بعد سخت کارروائی کرتے ہوئے کوسٹل سکیورٹی گارڈ نے جنوری 21سے 25تک کل 6ماہی گیر کشتیوں کو ضبط کرلینے کی پریس ریلیز کے ذریعے جانکاری ملی ہے۔ پریس ریلیز کے مطابق کوسٹل گارڈ نے ضبط شدہ ماہی گیر بوٹوں کو محکمہ ماہی گیر کو منتقل کیاتو محکمہ کے نائب ڈائرکٹر نے بوٹ مالکان پر فی کس 1لاکھ روپئے جرمانہ عائد کیا ہے۔
سمندر میں لائٹ فشنگ کرنےو الی کدمبیشور-2،شری متسیا کاتیائنی ، فردوس، ساویتری ، لکشمی نارائن اور شری سائی بابا کشتیوں کو ضبط کرلیا گیا ہے۔ کارروائی میں کوسٹ گارڈ کے کمانڈنگ آفیسر اویناش چٹگوپی سمیت عملہ شریک تھا۔