کاروار:23/ اکتوبر (ایس اؤنیوز)کتور کی رانی چنما کی شخصیت میں آزادی کاحوصلہ اور عوام سے لگاؤ ،پیار ومحبت کا رویہ ہم سب کے لئے ایک مثالی ہونے کا اترکنڑا ضلع کے ایڈیشنل  ڈپٹی کمشنر ایچ، پرسنا نے خیال ظاہرکیا۔

وہ یہاں ضلع پنچایت ، ضلع انتظامیہ اور کنڑا اور ثقافتی محکمہ کے اشتراک سےڈی سی دفتر ہال میں منعقدہ 193ویں کتور رانی چنما کی جینتی اتسوا کا افتتاح کرنےکے بعد خطاب کررہے تھے۔اپنی بات جاری رکھتے ہوئے انہوں نے کہاکہ انگریزوں کی خلاف کتورکی رانی چنما نےفوجی کی طرح جو جنگ کی وہ تمام مجاہدین آزادی کے لئے حوصلہ مند ہونے کی بات کہی۔

کاروار تعلیمی ضلع کے ڈی ڈی پی آئی پرکاش پی کے نے افتتاحی کلمات پیش کرتے ہوئے کہاکہ ریاستی حکومت پہلی مرتبہ کتورکی رانی چنما کی جینتی منا تے ہوئے جنگ آزادی کی ایک مجاہدہ کو عزت بخشی ہے۔ جھانسی کی رانی کی طرح رانی چنما کا نام بھی جنگ آزادی کی تاریخ میں درج ہے۔ اپنی جدوجہدمیں مصروف عورتو ں کے لئے رانی چنما ایک نمونہ ہونے کی بات کہی ۔

کتورکی رانی چنما کی زندگی پر روشنی ڈالتے ہوئے شرواڑ سرکاری ہائی اسکول کے استاد واسو دیو نایک نے کہاکہ رانی چنما کنڑا ریاست کی ایک عظیم مجاہدہ ہے۔ چندبرسوں کی زندگی میں چنما نے آزادی کے لئے جنگ لڑتے ہوئے شہید ہوگئیں۔ اپنے شوہر اور منہ بولے بیٹے کی اچانک ہوئی موت سے پست ہمت ہوئے بغیر جرأت سے جنگ لڑنے کا اپنے شہریوں کو حوصلہ دلایا۔ اپنی طرح جنگ میں لڑنے والے سنگولی رائینا کی حمایت کرتے ہوئے انہیں بیٹے کی نظر سے دیکھا۔ پروگرام میں کنڑا اور ثقافت محکمہ کے معاو ن ڈائرکٹر رام کرشنا نائک نے استقبال کیا ۔ مختلف محکمہ جات کے افسران اور عملہ پروگرام میں شریک تھا۔