ایند ھن سپلائی کرنےو الی سمندری جہاز گوا سے کاروار بحریہ اڈے کی طرف روانہ
بھٹکل:10/اگست (ایس اؤنیوز)سمندری جہازوں کی تیار ی میں مشہور ومعروف کمپنی مانڈوی ڈرائی ڈکس کی طرف سے ہندوستانی بحریہ کے لئے تیار کی گئی ایندھن سے چلنے والی جہاز کاریاست گوا کے پلگاؤں میں عوامی اجراء عمل میں آیا۔
ایندھن سے چلنے والی اس جہاز کی تیاری کے لئے گوا کے شپ یارڈ کو ٹھیکا ملا تھا، مانڈوی ڈرائی ڈکس نامی کمپنی نے سب کانٹراکٹ کمپنی کے طورپر کام انجام دیا ہے۔ عوامی سطح پر جہاز کا افتتاح کرنے کے بعد جہاز کاروارکی طرف سفر شروع کرچکی ہے جہاں آئی این ایس وکرمادتیا اور دیگر سمندری جہازوں کو ایندھن سپلائی کرے گی۔ جہازوں کو ائیویشن کیول اور ہائی اسپیڈ ڈیزل نامی دو الگ الگ ایندھن کو سپلائی کرنے کے لئے متعلقہ جہاز میں علاحیدہ انتظام کیا گیا ہے۔
مانڈوی ڈرائی ڈکس کمپنی گذشتہ 20سال پہلے 500ٹن وزنی ایندھن جہاز کو تیار کی تھی ، اب پہلی مرتبہ 1،000ٹن وزنی ایندھن جہاز کو تیار کیا ہے۔ اس جہاز کے ذریعے 100ٹینکر ٹرک کو ایندھن سپلائی کیا جاسکتاہے، گہرے سمندر میں ایندھن سپلائی کرنے کی غرض سے اس کو بنایا گیا ہے، ایندھن جہاز کی لمبائی 68میٹر اور چوڑائی 12میٹر ہونے کی بات کہی گئی ہے۔