کاروار 4؍جون (ایس اونیوز) ’اسٹِلٹ اسکیٹنگ‘ میں کاروار کے 5سالہ لڑکے شیام سومنت ہیبلے کر نے ایک ہی دن میں 4ورلڈریکارڈس قائم کیے ہیں۔کائیگا رولر اسکیٹنگ کلب کے ٹرینر دلیپ ہانابرنے بتایا کہ شیام سومنت نے 2کیلومیٹر کی اسکیٹنگ سب سے کم وقت میں پوری کی ہے۔

دلیپ کا کہنا ہے کہ اسٹلٹ اسکیٹنگ ایک بہت ہی دشوارایڈوینچر اسپورٹ ہے اور ہندوستان میں پہلی بار ایسا ہوا ہے کہ ایک پانچ سالہ بچے نے یہ کارنامہ انجام دیا ہے۔ماروتی منگل کاریالیہ میں منعقدہ اس شو کو دیکھنے کے لئے سیکڑوں افراد موجود تھے۔شیام نے دس کیلو میٹر فی گھنٹہ کی رفتار سے 2کیلومیٹر تک اسیکٹنگ کی۔500میٹر تک مسلسل فارورڈ اسکیٹنگ کی۔

ایشیئن بک آف ریکارڈس نے اس شو کے لئے انٹرنیشنل پروٹوکول آف ریکارڈس کے مطابق رہنمااصول جاری کیے تھے ۔’شیامس اسٹِلٹ اسکیٹ اسٹنٹ ‘کے اس موقع پر ایشیئن بک آف ریکارڈس، ریکارڈ ہولڈر ری پبلک (یوکے) ، پرفیکٹ بک آف ورلڈ ریکارڈس، ہائی رینج بک آف ریکاڈس اور انڈیا بک آف ریکارڈس کے نمائندے موجود تھے۔شیام کے والدین پوجااور سومنت نے بتایا کہ شیام جب 2سال کا تھا تو اس نے اسکیٹنگ کی پریکٹس شروع کی تھی۔