کاروار:22/اگست (ایس اؤنیوز)سال 2017-2018کے ایس ایس ایل سی خصوصی منصوبے کے ماتحت علاقائی تشہیر اور میڈیاکے میدان میں خدمات انجام دینے کے لئے صحافت کے شعبہ میں ڈگری یا پوسٹ گریجویشن میں کامیاب بے روزگار اسامیوں کے لئے اپرنٹیس تربیت کے لئے عرضیاں مطلوب ہیں۔

پسماندہ ذات کے 2طلبا کو میرٹ کی بنیاد پر اپرنٹیس تربیت کو ضوابط کے مطابق منتخب کیا جائے گا۔ اترکنڑا ضلع کے باشندوں کو پہلی ترجیح دی جائے گی۔ امیدوار کنڑا زبان اور کمپیوٹر میں مہارت رکھتاہو، 22سے 38کے اندر عمر ہواور کسی بھی ملازمت سے منسلک نہ ہوں۔ تربیتی مدت کے دوران ماہانہ 20ہزار روپئے وظیفہ دیا جائے گا۔ خواہش مند امیدوار متعینہ فارم پُر کرکے دستاویزات کے ساتھ 6نومبر کی شام 5بجے سے پہلے ڈائرکٹر ،رابطہ عامہ اور نشریات محکمہ اترکنڑا ضلع کاروار میں اپنی عرضی سونپیں۔ زائد جانکاری کے لئے 08382-226344پر رابطہ کرنے کی اپیل کی گئی ہے۔