کاروار:29/ جولائی(ایس او نیوز)ضلع صحت عامہ ،خاندانی فلاح وبہبودی محکمہ جات اور سرکاری پالی ٹکنک کے اشتراک سے اہتمام کئے گئے ڈینگو مخالف ماہ جاتھا کو کاروار بلدیہ اسٹانڈنگ کمیٹی کے صدر گنپتی وی نائک نے ہری جھنڈی دکھائی ۔

جلوس میں کالج طلبا شریک رہتے ہوئے ڈینگو کے انسداد کے متعلق نعرے لگاکر عوامی بیداری پید اکرنے کی کوشش کی۔ ڈینگو مخالف ماہ جلوس سرکاری پالی ٹکنیک کالج سے نکل کر ڈی سی دفتر کے عقب والی سڑک ، کورٹ روڈ ،سبھاش روڈ سے ہوتے ہوئے ضلع محکمہ صحت عامہ اور خاندانی فلاح وبہبودی دفتر پہنچی ، پھر وہاں سے نکل کر سرکاری پالی ٹکنیک کالج پہنچنے پر جلوس کا اختتام ہوا۔ جلوس میں ضلع میڈیکل افسر، سرکاری پالی ٹکنیک کالج  کے پرنسپال اور عملہ شریک تھا۔