کاروار: آنگن واڑی کارکنوں کے دباؤ میں اضافہ : کارکنوں کا احتجاج

Source: S.O. News Service | By Abu Aisha | Published on 11th July 2018, 7:16 PM | ساحلی خبریں |

کاروار:11/ جولائی (ایس او نیوز) مرکزی حکومت کی طرف سے آنگن واڑیوں کو  دی جانے والی امداد میں کٹوتی ، سرکاری اسکولوں میں انگریزی میڈیم کی شروعات کی مخالفت اور جوائنٹ بینک اکاؤنٹ کھولنے میں ہورہی پیچیدگیوں کو حل کرنے کا مطالبہ لے کر ریاستی آنگن واڑی عملے نے منگل کو شہر میں احتجاج کیا۔

ضلع کے تمام تعلقہ جات سے آئے ہوئے آنگن واڑی کارکنان مالادیوی مندر میدان سے بڑی ریلی کے ذریعے احتجاج کرتے ہوئے  ڈپٹی کمشنر دفترکے روبرو جمع ہوئے ۔جہاں سی آئی ٹی یو کی صدر یومنا گاؤنکر نے احتجاجیوں سے خطاب کرتے ہوئے سرکاری پالیسیوں کی سخت مذمت کی۔ مرکزی حکومت کے فیصلوں سے دن بدن آنگن واڑیوں کی حالت ابتر ہورہی ہے۔ مرکزی حکومت کی سرپرسی والے آئی سی ڈی ایس منصوبے کے تحت آنگن واڑی کارکنوں کو بہت کم سہولیات مل رہی ہیں، اس کے علاوہ دن میں 7گھنٹوں سے زائد کام کررہے ہیں۔ انہیں انتخابات، سروے ، بھاگیہ لکشمی، استری شکتی، معذوروں کے متعلق وغیرہ کے اسکیموں اور منصوبہ جات کے لئے استعمال کیا جارہاہے، لیکن ان کے مشاہیرے میں کوئی اضافہ نہ کرتے ہوئے ان سےناانصافی کئے جانےکی مذمت کی۔ انہوں نےڈی سی کی صدارت میں مشترکہ میٹنگ کا انعقاد کرتے ہوئے مسائل کا حل نکالنےپر دباؤ ڈالا۔ ڈی سی نکول ایس ایس نے میمورنڈم وصول کیا۔ سنگھ کی خازن موہنی نملیکر، جنرل سکریٹری سدھا کر بھٹ سمیت سیکڑوں کارکنان موجود تھے۔

ایک نظر اس پر بھی

بجلی گرنے سے منڈگوڈ میں ایک خاتون ہلاک؛ دو دیگر شدید زخمی

تعلقہ کے ارشینگری میں بادلوں کی گرجدار آواز کے ساتھ گرنے والی ایک بجلی کی زد میں آکر ایک خاتون کی موقع پر ہی موت واقع ہوگئی جس کی شناخت ہیمنپّا لمانی (52) کی حیثیت سے کی گئی ہے۔ واقعے میں دو دیگر زخمی ہوئے ہیں جنہیں  منڈگوڈ تعلقہ اسپتال میں داخل کیا گیا ہے۔

بھٹکل موگلی ہونڈا میں آئیل ٹینکر اُلٹ گیا؛ آزاد اسپورٹس سینٹر کے اراکین نے کی مدد

یہاں موگلی ہونڈا نیشنل ہائی وے 66 پر رات قریب گیارہ بجے ایک خالی آئیل ٹینکر اُلٹ جانے سے نیشنل ہائی وے بند ہوگیا،  مگر علاقہ کے آزاد اسپورٹس سینٹر کے اراکین نے فوری اپنا تعائون پیش کرتے ہوئے دوسری ایک لاری کی مدد سے ٹینکر کو سیدھا کرکے سڑک کنارے لے جانے میں کامیاب ہوگئے۔

منگلورو: سیاست دان اللہ کے نبی ﷺ کو نمونہ مان کر  اخلاق و ایمانداری سے خدمت خلق کے ذریعے ملت کا نام روشن کریں : محمد یسین ملپے

مسلسل محنت و مشقت ، اپنی صلاحیتوں اور قابلیتوں کا مظاہرہ ، جدوجہد کے ذریعے مختلف میدانوں میں خدمات کی اعتراف کے قابل   شخصیات   مطمئن  نہ ہوجائیں بلکہ  ان کے اعتراف سے ان کی  سماجی ذمہ داری میں اضافہ ہونے کا  شعور پیدا کریں اوران ذمہ داریوں کو مکمل ایمانداری و دیانتداری کے ...

بھٹکل مسلم یوتھ فیڈریشن کے زیراہتمام 28 نومبر سے شروع ہورہا ہے ٹی ٹوینٹی کا شاندار BCL کرکٹ ٹورنامنٹ

بھٹکل مسلم یوتھ  فیڈریشن کے زیراہتمام مورخہ 28/ نومبر سے  ٹی ٹوینٹی بھٹکل کرکٹ لیگ (BCL) کا شاندار ٹورنامنٹ شروع ہورہا ہے جس میں بارہ ٹیموں کو کھیلنے کا موقع دیا گیا ہے۔ ان بارہ ٹیموں میں بھٹکل ، مرڈیشور اور منکی کی جملہ 32 ٹیموں کے 320 کھلاڑیوں میں سے  180 بہترین کھلاڑیوں کا انتخاب ...

بھٹکل پی ایل ڈی بینک میں عجیب منظر؛ بینک کےاندر پہنچ کر ڈرائیورنے دی، بیوی اور بچوں کے ساتھ خود کشی کی دھمکی

بھٹکل پی ایل ڈی بینک میں آج سنیچر کو ایک عجیب منظر اُس وقت دیکھنے میں آیا جب بینک کے ڈرائیور نے بیوی اور بچوں کے ساتھ  ایک بوتل میں پٹرول ہاتھ میں تھامے داخل ہوا  اور سرے عام دھمکی دی کہ اگر اُس کا اس بینک سے تبادلہ روکا نہیں  گیا  تو وہ  پٹرول کی مدد سے نہ صرف خودسوزی  کرے ...