طلبا میں ماحولیاتی فکر پیدا کرنے کے لئے کاروار میں16/اکتوبر سے 5روزہ سائنسی کیمپ؛ آٹھویں اور نویں طلبہ شریک ہوسکتے ہیں
کاروار :۲۷/ستمبر (ایس او نیوز) اترکنڑا ضلع سائنسی مرکز کے زیر اہتمام طلبا میں ماحولیات کے متعلق فکر اور سائنٹفک سوچ پیدا کرنے کے لئے 5روزہ فطرت کیمپ کا انعقاد کیا جارہاہے۔ پریس ریلیز کے ذریعے جانکاری دی گئی ہے کہ متعلقہ کیمپ میں سمندری سفر، ماہی گیر بندرگاہوں کا دورہ ، مچھلیوں کا مطالعہ ، کانڈلا کا مطالعہ ، کلے ماڈلنگ کے متعلق جانکاری ، جنگلات کا مطالعہ ، ماحولیاتی سیاحت اور دیگر دستکاری مراکز کا دورہ ، مغربی گھاٹ کے جنگلی حیات کا مطالعہ جیسے کئی پروگرام شامل ہیں۔ یہ پانچ روزہ کیمپ 16 اکتوبر سے 20اکتوبر سائنسی مرکز میں منعقد ہوگا۔ اس کیمپ میں ضلع کے 8اور9ویں سے منتخب 30طلبا کو ہی موقع دیا جائے گا۔ اس لئے خواہش مند طلبا اپنے والدین کی اجازت سے اپنا نام سائنسی مرکز ، کوڑی باغ ، کاروار میں درج کرسکتے ہیں۔ زائد جانکاری اور نام رجسٹریشن کے لئے 8762891448-08382221448پر رابطہ کیا جاسکتا ہے۔
SahilOnline Coastal news bulletin in URDU 27th Sep 2016: