کنداپور سے ماجالی سرحد تک فورلین قومی شاہراہ کی تعمیر کے لئے 19696درخت کاٹے گئے
کاروار:28/جون (ایس اؤنیوز)کنداپور کی سرحد سے ماجالی سرحد تک تعمیر کی جارہی فورلین شاہراہ کے لئے 66قومی شاہراہ کنارے کےابھی تک کل 19696درختوں کو کاٹا گیا ہے جس کی قیمت اندازاً 10.50کروڑ روپئے لگائی گئی ہے۔
کاروار، ہوناور، کنداپور فاریسٹ زون کے علاقوں میں ساگوانی ، بیٹ اور کندل ،صندل نامی نسل کے درختوں کو کاٹا گیا ہے، جس کی اندازاً قیمت 10،58،3886روپئے لگائی گئی ہے۔ کاروار فاریسٹ علاقہ سے 3032،ہوناور فاریسٹ سے 7433اور کنداپور سے 9231درختوں کو کاٹاگیا ہے۔
66قومی شاہراہ کی توسیع کے ذریعے فورلین میں منتقلی کے لئے 19ہزار سے زائد درختوں کو نکال باہر کیا گیا ہے۔ اس کی قیمت کی تصدیق کے لئے ایک آزاد انجنئیر کو نامزد کرتے ہوئے جانچ کے بعد رپورٹ دینے کوکہا گیا تھا جس کے تحت انہوں نے رپورٹ سونپی ہے۔جس میں تفصیل کے ساتھ درختوں کو کاٹنے کے لئے ہونےو الے اخراجات کی جانکاری بھی دی تھی ۔ 30سے 60مربع سنٹی میٹر کے 4446 درخت (رقم ۔ 882531روپئے )، 60سے 90مربع سنٹی میٹر کے 5723درخت(رقم۔2031665روپئے )۔ 90سے 180مربع سنٹی میٹر کے 7764درخت۔(رقم ۔5361042روپئے )۔180سے 270مربع سنٹی میٹر کے 1309درخت(رقم 1714135 روپئے )اور 270مربع سنٹی میٹر کے 454درخت (رقم ۔594513روپئے )کاٹے گئے ہیں۔