کرناٹک اردو اکیڈمی کی موبائل لائبریری کا گھریلو سامان لے جانے کے لئے استعمال؟ اکیڈمی کے رجسٹرار سراج احمد خالد کی تردید

Source: S.O. News Service | By Shahid Mukhtesar | Published on 19th July 2018, 11:58 PM | ریاستی خبریں |

بنگلورو،19؍جولائی(ایس او نیوز) کرناٹک اردو اکیڈمی کی طرف سے ریاست بھر میں اردو قارئین کی سہولت کے لئے ایک موبائل لائبریری بنائی گئی ہے۔ جو ماضی میں اقلیتی محکمے سے جڑی اہم تقریبوں کے موقعوں پر یا پھر عموماً ریاست کے مختلف اضلاع میں کتابوں کے ساتھ پہنچتی اور وہاں پر اردو اداروں اور انجمنوں سے وابستہ احباب کے اشتراک سے اس لائبریری کتابوں کی رعایتی فروخت کا اہتمام ہوتا۔ لیکن اب یہ معاملہ سامنے آیا ہے کہ اس موبائل لائبریری کا استعمال ایسے مقصد کے لئے ہوا ہے جس کا تصور بھی نہیں کیا جاسکتا۔

سوراج نیوز نامی ایک ٹی وی چینل میں دکھائی گئی خبر میں یہ الزام لگایا گیا ہے کہ اس لائبریری کا استعمال اردو اکاڈمی کے رجسٹرار سراج احمد خالدنے اپنے گھر کا سامان منتقل کرنے کے لئے کیا ہے۔ اس چینل پر دکھائے گئے مبینہ ویڈیو میں صاف طور پر دکھایا جاسکتاہے کہ موبائل لائبریری کے لئے مختص ویان میں گھریلو سازوسامان لادا گیا ہے۔ تاہم اس ویڈیو کے منظر عام پر آنے کے بعد آج اردو اکاڈمی کے رجسٹرار سراج احمد خالدنے ایک اخباری کانفرنس میں اس الزام کی تردید کی کہ اس موبائل لائبریری میں ا ن کاگھریلو سامان لے جایا گیا ، کہاکہ دراصل اردو اکاڈمی کا کچھ سامان لائبریری کو منتقل کیاگیا تھا۔ لیکن اس سلسلے میں ان کی وضاحت اطمینان بخش نہیں رہی۔

اس کے علاوہ اپنی اخباری کانفرنس کے دوران رجسٹرار نے اردو اکاڈمی کی طرف سے کئے جانے والے پروگراموں کے لئے رقم کی فراہمی کے متعلق کہا کہ محکمۂ اقلیتی بہبود کے سکریٹری محمد محسن کی طرف سے انہیں ہدایت ملی ہے کہ اکاڈمی کے پروگرام کے لئے ممبروں کے نام کوئی چیک جاری نہ کیا جائے بلکہ رجسٹرار خود سیلف چیک کے ذریعے رقم نکالیں۔ اور بعد میں پروگراموں پر رقم صرف کریں ، لیکن اس سلسلے میں جب محمد محسن سے استفسار کیا گیا تو انہوں نے اس بات کی تردید کی کہ انہوں نے رجسٹرار کو ہدایت دی ہے کہ سیلف چیک کے ذریعے ہی رقم نکالی جائے۔ انہوں نے کہاکہ یہ ہدایت ضرور دی گئی ہے کہ ممبروں کے نام پر کوئی چیک جاری نہ کیا جائے بلکہ جس ادارے یا این جی او کی طرف سے پروگرام کا اہتمام کیا جارہاہے صرف اسی کے نام پر رقم دی جائے۔ سیلف چیک کی اجازت کسی کو نہیں دی گئی ہے۔ اردو اکاڈمی کی طرف سے شروع کی گئی موبائل لائبریری کو ریاست بھر میں کافی مقبولیت حاصل ہوئی تھی، سابق وزیر اقلیتی بہبود ڈاکٹر قمر الاسلام مرحوم اور اردو اکاڈمی کی سابق چیرپرسن فوزیہ چودھری مرحومہ کے دور میں یہ لائبریری شروع کی گئی تھی، اس وقت سے وقتاً فوقتاً اس لائبریری کو مختلف مقامات پر لے جایا جاتاتھا، لیکن اب یہ افسوسناک پہلو سامنے آیا ہے کہ گھریلو سامان یا کوئی بھی ساز وسامان لادنے کے لئے اس لائبریری کا استعمال کیا گیا ہے ۔ محکمے کے وزیر اور اعلیٰ افسروں کو چاہئے کہ اس کا سخت نوٹس لیں اور اس لاپروائی کے لئے جو کوئی بھی ذمہ دار ہے اس کے خلاف سخت کارروائی کی جائے ۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔