ٹمکور بلدی اداروں انتخابا ت : جیت کے جلوس پر تیزاب حملہ، کئی کانگریس امیدوار زخمی

Source: S.O. News Service | By Shahid Mukhtesar | Published on 4th September 2018, 11:33 AM | ریاستی خبریں |

ٹمکور 4؍ستمبر (ایس او نیوز) مقامی بلدی اداروں کے انتخابات کے نتائج کے اعلان کے بعد ٹمکور میں تیزاب پھینکنے کا حادثہ اس وقت پیش آیا جب کانگریس امیدوار اپنی جیت کے بعد اپنے طرفداروں کے ساتھ جیت کا جشن مناتے ہوئے جلوس کی شکل میں جارہے تھے۔ اس دوران نامعلوم لوگوں نے ایک کانگریس امیدوار اور ان کے 9؍طرفداروں پرتیزاب سے حملہ کر ڈالا جس کے نتیجہ میں یہ تمام زخمی ہوگئے ۔

عنایت اللہ خان نامی ایک امیدوار نے ٹمکور کے وارڈ نمبر16سے جیت درج کی۔جیت کی خوشی میں وہ ایک جلوس کی شکل میں گھر لوٹ رہے تھے۔ اس دوران چندنامعلوم افراد نے جلوس پر تیزاب پھینکا اور وہاں سے فرار ہوگئے ۔ پولیس نے یہ اطلاع دی۔ اس تیزاب حملہ کے بعد تقریباً دس افراد چہروں اور جسم پر جلن محسوس کرنے لگے جنہیں قریبی اسپتال لے جایاگیا، جہاں انہیں ابتدائی طبی امداد دی گئی۔ انہیں چھوٹی خراشیں بھی آئی ہیں ۔ عنایت اللہ خان کا چہرہ زیادہ جھلس گیا اور خراشیں آئی ہیں۔ ٹمکور ضلع کے ایس پی دیویا گوپی ناتھ نے یہ بات کہی۔معائنہ کے بعد ڈاکٹروں نے کہا کہ جلوس پر پھینکے جانے والے پانی میں کم پاور کاتیزاب ملا ہوا تھا۔ باتھ روم کلینر ملائے جانے کا شبہ ظاہر کیا گیا ہے ۔پولیس نے شبہ ظاہر کیا ہے کہ خان کے حریفوں کی کارستانی ہوسکتی ہے جن کے نام پولیس نے ظاہر نہیں کئے ہیں۔پولیس افسر نے بتایا کہ اس واقعہ کی کسی نے شکایت نہیں کی ،اس لئے اس معاملے میں ابھی تک کسی کو گرفتار نہیں کیا گیا ہے۔

ایک نظر اس پر بھی

سیلاب زدہ کورگ کیلئے اضافی تعاون کا اعلان فی کنبہ 50ہزار روپئے رقم دینے کا فیصلہ

ورگ ضلع میں حال ہی میں ہوئی موسلا دھار بارش اور سیلاب کی وجہ سے کئی گھر تباہ وبرباد ہوگئے ۔ متاثرہ کنبوں کیلئے کپڑے اور روز مرہ کی ضروریات کی خریداری کے مقصد سے وزیر اعلیٰ ریلیف فنڈ کے تحت فی کنبہ 50ہزار روپئے اضافی رقم جاری کرنے کا ریاستی حکومت نے فیصلہ کیا ہے۔

سدارامیا کے دست راست ضمیر احمد خان حکومت کی حفاظت کی خاطر ناراض اراکین اسمبلی کو منانے میں سرگرداں

سابق وزیر اعلیٰ سدارامیا کی ترغیب پر جے ڈی ایس کو خیر باد کہتے ہوئے کانگریس میں شمولیت اختیار کرنے والے بی زیڈ ضمیر احمد خان مخلوط حکومت کی حفاظت پر مامور دکھائی دے رہے ہیں، سدارامیا کے ناراض اراکین اسمبلی کو منانے کی کوشش میں بی زیڈ ضمیر احمد خان سرگرم ہوگئے ہیں، ناراضی کی لہر ...

ریاستی مخلوط حکومت کو گرانے میں بی جے پی بری طرح ناکام لوک سبھا انتخابات پر توجہ مرکوز کرنے کی ہدایت ، آخری دم تک فرقہ پرستی کے خلاف لڑتا رہوں گا:سدارامیا

ریاستی مخلوط حکومت میں ساجھیدار کانگریس اور جے ڈی ایس کے اراکین اسمبلی کے درمیان جن اختلافات کا فائدہ اٹھا کر اپوزیشن بی جے پی نے پچھلے دو ہفتوں سے آپریشن کنول کے ذریعہ مخلوط حکومت کو گرانے کی جو کوشش کی تھی ،اب وہ ناکام ہوچکی ہے۔

ویمن انڈیا موؤمنٹ کی جانب سے 23 ستمبر کو بنگلور سے شروع ہورہی ہے خواتین کے تحفظ کو لے کر ملک گیر مہم

ویمن انڈیا موؤمنٹ (Women India Movement) نے 23ستمبر 2018تا 8 مارچ 2019 " خواتین پر تشدد بند کرو " اور "ّ آئیے ہمارے تحفظ کیلئے لڑائی لڑیں " کے نعروں کے تحت  ایک ملک گیر مہم  شروع  کرنے کا اعلان کیا ہے جس کے لئے  ملک کی خواتین سے اپیل کی گئی  ہے کہ وہ اس ملک گیر تحریک میں شامل ہوکر اپنے حالات ...

جنوبی ہند کے مشہور ومعروف عالم دین حضرت مولانا زکریا والا جاہی کا انتقال

نوبی ہند کے مشہور ومعروف،ممتاز جیدعالم دین زکریا صاحب والا جاہی طویل علالت کے بعد آج صبح 10؍بجے اپنے مالک حقیقی سے جاملے۔ مولانا کو شیواجی نگرکے براڈوے کی ان کی رہائش پر آخری دیدار کے لئے رکھا گیا تھا۔