بس کرایوں میں 20فیصد اضافہ زیر غور: وزیر ٹرانسپورٹ ڈی سی تمنا

Source: S.O. News Service | By Shahid Mukhtesar | Published on 19th July 2018, 12:44 AM | ریاستی خبریں |

بنگلورو،18؍جولائی(ایس او نیوز)ریاستی وزیر ٹرانسپورٹ ڈی سی تمنا نے کہاکہ پٹرول اور ڈیزل کی قیمتوں میں اضافے کے پیش نظر بی ایم ٹی سی اور کے ایس آر ٹی سی بس کراؤں میں 20فیصد اضافے کی تجویز ریاستی حکومت کو موصول ہوئی ہے اس سلسلے میں ٹرانسپورٹ کارپوریشنوں کے ساتھ عنقریب ایک میٹنگ کرکے فیصلہ لیا جائے گا۔

انہوں نے کہا کہ کرایوں میں اضافے کی جو تجویز موصول ہوئی ہے اس کے تمام پہلوؤں کا جائزہ لیا جارہاہے،اس کے بعد ہی کوئی فیصلہ لیا جائے گا۔ ودھان سودھا میں اخباری نمائندوں سے بات چیت کرتے ہوئے وزیر موصوف نے کہاکہ بس کرایوں میں اضافے کی تجویز پچھلے دیڑھ ماہ سے آگے بڑھائی جارہی ہے ، لیکن اس پر کوئی پہل نہیں ہوئی تھی اب جبکہ ایندھن کی قیمتوں میں مسلسل اضافہ ہوتا ہی جارہا ہے ، بس کرایوں میں ناگزیر ہوگیا ہے۔ انہوں نے کہاکہ بی بی ایم پی کی طرف سے ہیلتھ سیس لاگو کئے جانے اور ساتھ ہی ریاستی حکومت کی طرف سے پٹرول اور ڈیزل پر سیس لاگو کئے جانے کی وجہ سے کے ایس آر ٹی سی اور بی ایم ٹی سی کے اخراجات میں اضافہ ہوچکا ہے۔ بس پاسوں کی فراہمی کے بارے میں وزیر موصوف نے کہاکہ ریاست کے 19.6 لاکھ طلبا کو مفت بس پاس کی فراہمی کے متعلق جلد ہی وہ وزیراعلیٰ کمارسوامی اور وزیر تعلیمات این مہیش سے بات چیت کریں گے اس کے بعد ہی قطعی فیصلہ لیاجائے گا۔

مسٹر تمنا نے کہا کہ پہلی سے ساتویں جماعت تک کے سبھی بچوں کو مفت بس پاسوں کی فراہمی کا عمل شروع ہوچکا ہے، اس میں کوئی رکاوٹ نہیں ہے، البتہ ہائی اسکولوں اور کالجوں میں زیر تعلیم بچوں کو بس پاس دینے کے بعد میں وزیر اعلیٰ سے بات چیت کی جائے گی۔انہوں نے کہاکہ محکمۂ تعلیمات نے مفت بس پاسوں کی فراہمی کے مرحلے میں 20 فیصد رقم برداشت کرنے کا تیقن دیا ہے ، ریاستی حکومت اگر 50 فیصد رقم فراہم کرے تو اس کا فیصلہ جلد ہی کردیا جائے گا۔ وزیر موصوف نے کہا کہ محکمۂ ٹرانسپورٹ کا سالانہ ٹرن اوور چھ ہزار کروڑ روپیوں سے زیادہ ہے۔ ریاستی حکومت کی طرف سے محکمے کو مالی امداد فراہم کرنے کی گزارش کی جائے گی۔

اس موقع پر وزیر موصوف نے بتایاکہ محکمۂ ٹرانسپورٹ میں مخلوعہ 400 آر ٹی او انسپکٹروں کی اسامیوں کو راست بھرتی کے ذریعے پر کیا جائے گا۔ انہوں نے کہاکہ محکمۂ ٹرانسپورٹ میں 676 اسامیوں کی بھرتی باقی رہ گئی ہے جسے کے پی ایس سی کے ذریعے پر کیا جائے گا۔ عملے کی کمی کے نتیجے میں ایک آر ٹی او انسپکٹر کو تین چار جگہ کام کرنا پڑ رہاہے۔ اس دشواری کو ختم کرنے کے لئے تقرر بہت جلد کیا جائے گا۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔