بجلی کی پیداوار میں کرناٹک خود کفیل بنے گا: شیوکمار

Source: S.O. News Service | By Shahid Mukhtesar | Published on 11th January 2017, 11:54 AM | ریاستی خبریں |

بنگلورو۔10؍جنوری(ایس او نیوز) ریاستی وزیر توانائی ڈی کے شیوکمار نے کہاکہ آئندہ سال کے اختتام تک شعبۂ توانائی میں کرناٹک مکمل طور پر خود کفیل ہوجائے گا۔ بجلی کی اضافی پیداوار کیلئے حکومت نے کئی منصوبے اپنائے ہیں۔ جن کو انجام تک پہنچانے کے ساتھ ہی اگلے سال کی شروعات سے ریاست میں بجلی کے مسئلے کو مکمل طور پر قابو میں کرلیا جائے گا۔ انہوں نے کہاکہ ریاست میں فی الوقت بجلی کی قلت کو سلجھانے کیلئے عارضی طور پر جندال پاور کمپنی سے 600میگاواٹ بجلی حاصل کرنے کا فیصلہ کیا گیاہے۔ چھ ماہ میں جندال کمپنی کی طرف سے ریاست کو اس بجلی کی ترسیل کی جائے گی۔ انہوں نے کہاکہ آئندہ سال کوڈلگی میں 1200 میگاواٹ توانائی پیدا کرنے والے ایرمراس پراجکٹ کو تیار کرلیا جائے گا۔ ساتھ ہی بلاری میں700 میگاواٹ کی بجلی دستیاب رہے گی۔ جو بعد میں 1600 میگاواٹ تک بڑھائی جائے گی۔ انہوں نے کہاکہ روایتی بجلی کی پیداوار کے ساتھ دیگر امکانات کا جائزہ بھی لیا جائے گا۔

ایک نظر اس پر بھی

بغاوت کی شدت کے دوران بی جے پی نے کمٹہ میں دیا دینکر شٹی کو ٹکٹ ؛ کمٹہ بی جے پی امیدوار کا مسئلہ بن گیا تھا اننت کمار کے پاؤں کی زنجیر

بھارتیہ جنتا پارٹی کے اندراسمبلی ٹکٹ کے مسئلے پر جو اندرونی بغاوت ہے وہ ضلع شمالی کینرا میں اب سڑک پر اترتی دکھائی دے رہی ہے۔ ضلع میں اپنی پسند کے امیدواروں کو ٹکٹ دلانے اور اپنی قیادت کا پرچم لہرانے کا منصوبہ بنائے ہوئے مرکزی وزیر اننت کمار ہیگڈے کے لئے کمٹہ اسمبلی سیٹ کا ...

کرناٹکا اسمبلی انتخابات: پولنگ اوقات میں ایک گھنٹے کی توسیع؛ نامزدگیوں کا اندراج شروع؛ یڈیورپا ، ڈی کے شیوکمار، ایشورپا، رمیش کمار وغیرہ نے بھرا پرچہ

12 مئی کو ہونے والے کرناٹک کے ریاستی اسمبلی انتخابات کے لئے الیکشن کمیشن نے پولنگ کے اوقات میں اضافے کا فیصلہ کیا ہے۔ چیف الیکٹورل افسر سنجیو کمار نے بتایا کہ پہلے پولنگ صبح سات بجے سے شام پانچ بجے تک تھی، مگر اب اسے بڑھا کر  صبح سات بجے سے شام چھ بجے تک رکھا گیا ہے،انہوں نے توقع ...