بنگلورو،18؍جنوری (ایس او نیوز)سال 2017-18کے بجٹ میں اعلان کردہ جملہ 50نئے تعلقہ جات کی تشکیل کے احکامات سرکارکی طرف سے جاری کردئے گئے ہیں۔

نئے تعلقہ جات کی تشکیل کے تعلق سے ابتدائی احکام جاری کردئے گئے ہیں،جبکہ قانون کے مطابق قطعی احکامات والا آرڈیننس جاری کرنے کے لئے اقدامات کیے جارہے ہیں۔عوام کی خدمت اور سہولت کے لئے نئے تعلقہ جات کے مرکزی دفتروں کے قیام، متعلقہ افسران کا تقرر اور اس کے لئے ضروری سازوسامان فراہم کرنے کی ہدایت جاری کی گئی ہے۔

نئے تعلقہ جات کی جو فہرست جاری ہوئی ہے اس کے مطابق ریاست کے دیگر مقامات کے علاوہ جنوبی کینرا میں موڈبیدری اور کڈبا، اڈپی ضلع میں برہماور، کاپواور بیندورتعلقہ شامل ہیں۔