کرناٹک کارکنان کو راہل کا پیغام، تیارکریں عوام کاانتخابی منشور

Source: S.O. News Service | By Shahid Mukhtesar | Published on 28th January 2018, 12:18 AM | ریاستی خبریں | ملکی خبریں |

نئی دہلی، 27؍ جنوری(ایس او نیوز؍آئی این ایس انڈیا)کانگریس صدر راہل گاندھی نے انتخابی ریاست کرناٹک میں آئندہ انتخابات کے پیش نظر پارٹی کارکنوں سے گجرات میں ہوئے حالیہ انتخابات سے حوصلہ لے کر اور اسی کے طرز پر عوام کا منشورتیار کرنے اور بڑے پیمانے پرعوامی شراکت والے پروگرام شروع کرنے کے لئے کہا ہے،کرناٹک میں اس سال الیکشن ہوناہے۔پارٹی کے ایک سینئر رہنما نے کہا کہ سینئر کانگریس لیڈر ویرپا موئلی کی قیادت میں ایک ٹیم پہلے ہی یہ مہم شروع کر چکی ہے اور امکان ہے کہ ریاست میں انتخابات سے پہلے ایک متفقہ منشور تیار ہو جائے گا۔ کرناٹک کے لئے کانگریس کے انچارج سیکریٹری مدھو گوڑساکشی نے کہا کہ پارٹی صدر نے لیڈروں سے ایسا منشور لانے کے لیے کہا ہے جو حقیقی معنی میں کرناٹک کی عوام کی توقعات پرکھرااترتاہو۔اسی طرح کی مہم کے تحت ٹیلی کام کارکن اور سینئر کانگریسی لیڈر سیم پترودا نے گزشتہ سال گجرات میں دو مرحلے میں ہوئے اسمبلی انتخابات سے پہلے ریاست کے پانچ شہروں۔ وڑودرا، احمد آباد، راج کوٹ، جام نگر اور سورت کے باشندوں کے ساتھ بات چیت کی تھی۔ اس کے بعد انتخابی منشور تعلیم، صحت، چھوٹے اور درمیانے درجے کی صنعتوں، روزگار اور ماحولیاتی تحفظ پر توجہ مرکوز کرتے ہوئے تیار کیا گیا تھا۔سینئر لیڈر کے مطابق اس اچھی کوشش سے ہمیں یہ جاننے میں مدد ملی کہ لوگ کیا چاہتے ہیں، یہ رہنماؤں کے اپنے اپنے دفاتر میں بیٹھ کر منشور تیار کرنے سے بہتر ہے۔گجرات میں نوسرجن یاترا کی بھاری کامیابی کو دیکھتے ہوئے راہل گاندھی نے کرناٹک کی عوام کے درمیان جانے کے لئے بس سے دورہ کرنے کی منصوبہ بندی کی ہے۔ کانگریس کے صدر راہل گاندھی 10 فروری سے بیلاری کے ہاسیٹ سے قیام امن بس یاترا کا آغاز کریں گے۔گجرات میں کانگریس نے 22 سال سے حکمراں بی جے پی کو سخت مقابلہ دیا ہے، اگرچہ پارٹی کو شکست کا سامنا کرنا پڑاتھا۔ ایسے میں پارٹی کو گجرات کی انتخابی حکمت عملی کوکرناٹک میں نافذ کرنے کی تیاری کر رہی ہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...