کانگریس امیدواروں کی فہرست پر ابھی اتفاق نہیں ہوسکا لیڈروں کے جھگڑے: مسلمانوں کو ٹکٹ کم کردئے جانے کا خدشہ

Source: S.O. News Service | By Shahid Mukhtesar | Published on 14th April 2018, 11:20 AM | ریاستی خبریں | ملکی خبریں |

نئی دہلی/بنگلورو۔13 اپریل(ایس او نیوز) ریاست کرناٹک میں آئندہ 12 مئی کو ہونے والے اسمبلی انتخابات کے لئے کانگریس امیدواروں کی پہلی فہرست پر آج بھی حتمی فیصلہ نہیں ہوسکا۔ امیدواروں کی فہرست کو حتمی شکل دینے سے متعلق آج نئی دہلی میں منعقدہ کانگریس مرکزی انتخابی کمیٹی کے اجلاس میں چند امیدواروں کے انتخاب پر کمیٹی کے اراکین کے درمیان کافی نوک جھونک ہوئی۔ یہ اجلاس کل بھی جاری رہے گا۔ چند امیدواروں کے ناموں پر لیڈروں میں اب بھی نااتفاقی ہے۔ کہا جارہا ہے کہ سی ای سی اجلاس میں پہلی بار چند امیدواروں کے ناموں سے متعلق اتنی طویل بحث ہورہی ہے ۔ بالخصوص بنگلور کے پلکیشی نگر اسمبلی حلقہ کو لے کر لیڈروں کے درمیان کافی توتو میں میں ہوئی۔ سینئر کانگریس لیڈر ولوک سبھا میں اپوزیشن کانگریس لیڈر ملیکارجن کھرگے اس حلقہ سے پارٹی ٹکٹ پرسنا کمار کو دلانے کے حق میں ہیں جبکہ وزیراعلیٰ سدارامیا وعدہ کے تحت جے ڈی ایس چھوڑکر کانگریس میں شامل ہوئے اکھنڈ سرینواس مورتی کے حق میں ہیں ۔ خدشہ پیدا ہوگیا ہے کہ ان لیڈروں کے جھگڑے میں کہیں مسلم امیدواروں کو ٹکٹ کم نہ کردئے جائیں ۔ پچھلے انتخابات میں کانگریس نے 19مسلم امیدواروں کو ٹکٹ دئے تھے ۔یہ بھی اطلاع ملی ہے کہ امیدواروں کی فہرست کو قطعیت دینے کے دوران رونما ہورہے ان حالات کے بعد کانگریس ہائی کمان وزیراعلیٰ سدارامیا ہی کو فوقیت دے گا۔

شانتی نگر حلقہ:ذرائع سے اطلاع ملی ہے کہ بنگلور کے شانتی نگر اسمبلی حلقہ سے ٹکٹ دئے جانے پر بھی ابھی فیصلہ نہیں ہوپایا ہے۔ موجودہ رکن اسمبلی این اے حارث کو اس مرتبہ ٹکٹ دیا جانا مشکوک ہے۔ محض ایک چھوٹے سے جھگڑے کو جس میں حارث کے فرزند ملوث تھے، بہانہ بناکر اگر حارث کو ٹکٹ سے محروم کردیا گیا تو یہ مسلمانوں کے ساتھ زیادتی اورناانصافی ہوگی۔ پچھلے 10سال کے دوران حارث نے اس حلقہ کی مجموعی ترقی میں نمایاں رول ادا کیا ہے ۔ سیاسی مبصرین کا خیال ہے کہ اس حلقہ سے کانگریس نے حارث کو ٹکٹ نہیں دیا۔ کسی دوسرے امیدوار کو میدان میں اتارا تو یہ حلقہ کانگریس کے ہاتھ سے نکل جانے میں کوئی شک ہی نہیں۔ کل کے اجلاس میں اگر پہلی فہرست کو قطعیت دے دی گئی تو 14 اپریل کی شام تک پہلی فہرست کے جاری ہونے کا امکان ہے ۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...