سابق وزیراعظم دیوے گوڈا کی دبئی آمد پر تہنیتی پروگرام؛ پہلے ملک کے اندرونی مسائل حل کرنے کی طرف توجہ ہونی چاہئے؛ گوڈا نے مودی پر کسا طنز

Source: S.O. News Service | By I.G. Bhatkali | Published on 18th November 2018, 9:20 PM | خلیجی خبریں |

دبئی 18/نومبر (ایس او نیوز) سابق وزیراعظم  ایچ ڈی دیوے گوڈا کی دبئی آمد کے موقع پر کرناٹکا این آر آئی فورم کی جانب سے دبئی میں گذشتہ روز دیوے گوڈا کے لئے تہنیتی پروگرام کا انعقاد کیا گیا جس میں یہ بات بھی بتائی گئی کہ ریاست کرناٹک سے وزیراعظم منتخب ہونے والے دیوے گوڈا واحد شخص ہیں۔ پروگرام میں شال اوڑھ کر شری دیوے گوڈا جی   کی تہنیت کی گئی اور ملک کے لئے دی گئی ان کی خدمات کا اعتراف کیا گیا۔

اس موقع پر خطاب کرتے ہوئے دیوے گوڈا نے بتایا کہ انہوں نے دنیا کے کئی ممالک کا دورہ کیا ہے، لیکن وہ پہلی بار دبئی  آئے ہیں۔ انہوں نے اپنے قریب دس  ماہ کے اقتدار کے تعلق سے  اپنے دور میں کئے گئے کاموں کی تفصیلات بیان کرتے ہوئے  کہا کہ اُس وقت کشمیر کے حالات اس قدر ابتر تھے کہ کوئی بھی وزیراعظم کشمیر نہیں جارہا تھا، لیکن انہوں نے کشمیر کا دورہ کیا ، وہاں انتخابات منعقد کروائے اور اُن ہی کے دور میں وہاں 56 فیصد پولنگ بھی ہوئی۔  انہوں نے وزیراعظم نریندر مودی کا نام نہ لیتے ہوئے  بتایا کہ  ہمیں اپنے ملک  کے عوام عزیز ہیں، ملک کے مسائل کو حل کرنا زیادہ اہم ہے،  اسی لئے میں نے  اپنے دور اقتدار میں  کبھی ملک کے باہر کا دورہ نہیں کیا۔  اُن پر طنز کستے ہوئے شری دیوے گوڈا نے بتایا کہ ہمیں سب سے پہلے اپنے اندرونی مسائل کو حل کرنے کی  طرف توجہ دینی   چاہئے اُس کے بعد ہی باہری  ممالک کی سیر کے لئے نکلنا چاہئے۔

 کرناٹک کے قریب پچاس الگ الگ اداروں اور جماعتوں کی جانب سے  شری دیوے گوڈا جی  کو پھولوں کی مالائیں پیش کئی گئیں اور بعض ایک نے شال اوڑھ کر اور ٹوپی پہنا کربھی تہنیت کی گئی۔ جس میں بھٹکل کےذمہ داران اور منکی کے ذمہ داران بھی شامل تھے۔

ایک نظر اس پر بھی

بھٹکل انجمن انجینئرنگ کالج کے فارغین کی دبئی میں نشست؛قائد قوم نے کہا؛ فارغین کا ساتھ ملا تو انجمن کی کامیابی یقینی

گذشتہ دنوں دبئی میں قائد قوم ڈاکٹر ایس ایم سید خلیل الرحمن صاحب کی رہائش گاہ پر بھٹکل انجمن انجنیرنگ کالج کے فارغین کی ایک خصوصی نشست منعقد ہوئی جس میں انجمن انجنیرنگ کالج کے اولین بیچBatch کے فارغین نے بھی شرکت کی ۔

کیرالہ کی این آر آئی خاتون نے منگلورو ایئرپورٹ اسٹاف پر لگایا ،جان بوجھ کر پاسپورٹ پھاڑنے کا الزام؛ ائرپورٹ ڈائرکٹر نے الزام کو کیا خارج

 پڑوسی ریاست کیرالہ۔  کاسرکوڈ کے  ایک این آر آئی نے   الزام لگایا ہے کہ منگلورو انٹرنیشنل ایئر پورٹ پر سیکیوریٹی اسٹاف نے جان بوجھ کر اس کی بیوی کا پاسپورٹ اُس وقت   پھاڑ دیا جب وہ اپنے دو چھوٹے بچوں کے ساتھ دبئی روانہ ہونے کے لئے پہنچی تھی۔پاسپورٹ پھاڑنے کے بعد  ائرپورٹ ...

دبئی کے قریب عجمان میں منعقدہ نوائط پریمیر لیگ کرکٹ ٹورنامنٹ میں ڈی وی ایس یونائٹیڈ کی شاندار جیت؛ الکریمی چیلنجرس کو فائنل میں شکست

دبئی کے قریب عجمان کے  ایڈن گارڈن میدان میں منعقدہ ایز ٹیکس نوائط پرئمیر لیگ (این پی ایل)  کرکٹ کا پہلا ٹورنامنٹ  ڈی وی ایس یونائیٹید نے جیت لیا، جس کے ساتھ ہی  پانچ ٹیموں پر مشتمل یہ ٹورنامنٹ کامیابی کے ساتھ اختتام پذیر ہوا۔

نوہیرا شیخ کے خلاف چارج شیٹ داخل ہونے پر دبئی سے سرمایہ لگانے والوں نے کیا خیر مقدم، لیکن رقم واپس ملنے کے تعلق سے شش و پنج برقرار

’ہیرا گروپ‘ کی پونزی اسکیم میں سرمایہ لگاکر فریب کھانے والے خلیجی ممالک میں مقیم افراد نے کمپنی کی سی ای او   نوہیرا شیخ کے خلاف ممبئی میں چارج شیٹ داخل کیے جانے کا خیر مقد م کیا ہے۔ مگر ان میں سے بہت سارے لوگ اپنی رقم واپس ملنے کے تعلق سے زیادہ پُر امید بھی نظر نہیں آرہے ہیں۔

دبئی میں راہل نے اخبار نویسوں سے کہا؛ ’بی جے پی مشتعل اور غیر روادار؛ کررہی ہے ہمارے اداروں کو برباد؛ مگر ہم اب اُنہیں ایسا کرنے دیں گے

متحدہ عرب امارات کے دورہ پر پہنچے راہل گاندھی نے دبئی میں پریس کانفرنس سے خطاب کرتے ہوئے مودی حکومت پر راست حملہ کیا اور  کہ  ’’بی جے پی مشتعل اور غیر روادار ہو رہی ہے اور ہمارے اداروں کو برباد کر رہی ہے، جیسا کہ  سپریم کورٹ ، ریزرو بینک اور الیکشن کمیشن   آف انڈیا  میں ...

دبئی میں راہول گاندھی نے کہا؛ میں آپ کے من کی بات سننے آیا ہوں؛ ہزاروں کی بھیڑ میں راہول کا چل گیا جادو؛ راہول۔راہول کے نعرے

کانگریس کے صدر راہل گاندھی نے کہاکہ آئندہ برس ہونے والے عام انتخابات کے بعد مرکز میں ان کی حکومت بننے پر آندھراپردیش کو خصوصی ریاست کا درجہ دیا جائے گا۔متحدہ عرب امارات کے اپنے پہلے دورہ پر آئے مسٹر گاندھی نے جمعہ کو شرمک کالونی میں رہنے والے ہندوستانیوں سے خطاب کرتے ہوئے کہا ...