کرناٹک کی مختصر مگر اہم خبریں؛

Source: S.O. News Service | By I.G. Bhatkali | Published on 12th October 2017, 4:55 PM | ریاستی خبریں | ان خبروں کو پڑھنا مت بھولئے |

ریاست میں جنوب مغرب مانسون سرگرم

بنگلورو ، 12اکتوبر (یواین آئی/ایس او نیوز ) جنوب مغرب مانسون دور دراز کرناٹک میں سرگرم ہوگیا ہے ۔ ساحلی کرناٹک میں کئی مقامات پر بارش ہوئی۔ ریاست میں اعظم ترین درجہ حرارت میں کوئی بڑی تبدیلی نہیں ہوئی ہے ۔ یہ شمالی دور دراز کرناٹک کے کئی مقامات پرمعمول سے کم رہاجبکہ ساحلی کرناٹک و جنوبی دور دراز کرناٹک میں یہ معمول کے مطابق دیکھا گیا۔ اعظم ترین درجہ حرارت میں کوئی بڑی تبدیلی نہیں آئی ہے اور یہ ریاست کے بقیہ حصوں میں معمول کے مطابق رہا ہے ۔ پانمبور میں اعظم ترین درجہ حرارت 32.2ڈگری اور چکن ہلی میں اقل ترین درجہ حرارت 20ڈگری سیلسیس درج کیا گیا۔ محکمہ موسمیات نے کہا ہے کہ دور دراز کرناٹک کے کئی مقامات اور ساحلی کرناٹک میں چند مقامات پر گرج و چمک کے ساتھ بارش کا امکان ہے ۔

دیوار گرنے سے ماں اور بیٹی ہلاک
وجے پور 12اکتوبر (یواین آئی/ایس او نیوز) ایک المناک واقعہ میں مکان کی دیوار کے گرنے کے سبب ایک ماں اور اس کی بیٹی جو سورہے تھے ' برسرموقع ہلاک ہوگئے ۔یہ واقعہ کرناٹک کے وجے پورکے بائیراواداگی گاوں میں مسلسل بارش کے سبب آج صبح کی اولین ساعتوں میں پیش آیا۔ پولیس نے کہا کہ گزشتہ دو دنوں سے اس گاوں میں شدید بارش ہورہی تھی اور 60 سالہ شنکرما اور آدھی اور اس کی بیٹی مہادیوی سورہے تھے کہ ان پر دیوار گرپڑی۔ ان کی لاشیں ملبہ میں دب گئی۔ تاہم ایک لڑکا جو مکان کے باہر سورہا تھا ' کرشماتی طور پر محفوظ رہا۔ 


نقلی نوٹ ضبط،ایک شخص گرفتار
بنگلورو، 12اکتوبر (یواین آئی/ایس او نیوز ) پولیس نے ایک شخص کو گرفتار کرتے ہوئے اس کے پاس سے دو ہزار روپے کی 37اور 500روپے کی 19جعلی نوٹ ضبط کرلی۔ یہ شخص عوام کو ان نوٹوں کو اصلی ظاہر کرتے ہوئے سپلائی کررہا تھا۔ پولیس نے جرم کے لئے استعمال کار بھی ایس بھاسکر نامی ملزم کے پاس سے ضبط کی گئی ۔ وہ ان نوٹوں کو تبدیل کرنے گاہک کا انتظار کررہا تھا کہ کمرشیل اسٹریٹ پولیس نے اسے گرفتار کرلیا۔

بیٹیوں کا قتل کرنے کے بعد باپ کا اقدام خودکشی
بلگاوی، 12اکتوبر (یواین آئی /ایس او نیوز) کرناٹک کے بیلگاوی ضلع کے رام درگ تعلقہ کے ملور گاوں میں ایک 36سالہ باپ نے اپنی دونوں بیٹیوں کو قتل کرنے کے بعد کیڑے مار دوا پی کر خودکشی کی کوشش کی۔ پولیس کے مطابق سدپا کلور نامی شخص نے اپنی 8سالہ بیٹی پوترا اور 6سالہ بیٹی پرینکا کی گردن کاٹنے کے لئے مبینہ طور پر تیز دھار ہتھیار کا استعمال کیا۔ پولیس نے بتایا کہ سدپا کی حالت تشویشناک ہے ۔ اسے رام درگ کے اسپتال منتقل کیا گیا۔ پولیس نے کہا کہ اس واردات کی وجہ معلوم نہ ہوسکی۔ 

سڑک حادثہ ' خاتون ہلاک
بنگلورو، 12اکتوبر (یواین آئی /ایس او نیوز) بنگلورو کے دیون ہلی میں لاری کو بائیک کی ٹکر کے حادثہ میں ہلاک ہوگئی۔ یہ خاتون سڑک کے گڑھے سے بچنے کی کوشش کررہی تھی جس کے نتیجہ میں اس کی بائیک لاری سے ٹکراگئی۔اس حادثہ کے بعد لاری کا ڈرائیور فرار ہوگیا۔

ناگرہولے نیشنل پارک میں شیرنی پکڑی گئی
میسورو ، 12اکتوبر (یواین آئی/ایس او نیوز) محکمہ جنگلات کے حکام نے بے ہوشی کا انجکشن استعمال کرتے ہوئے ایک شیرنی کو پکڑلیا جو ناگرہول نیشنل پارک کے سرحدی علاقوں میں گھوم رہی تھی ۔محکمہ جنگلات کے حکام نے کہا کہ گذشتہ شب پارک کے آنتھارسنتھے رینج میں یہ واقعہ پیش آیا ۔ عہدیداروں نے کہا کہ اسی طرح گزشتہ روز باندی پور جنگلات کے ہیدی یالا رینج کے دوبا باراگی گاوں میں زخمی شیر کو پکڑا گیا تھا۔ شیرنی کو ایک دن کی کوشش کے بعد بالآخر انجکشن کے ذریعہ بے ہوش کرکے پکڑا گیا۔ ناگرہول پارک کے ڈائرکٹر و کنزرویٹر محکمہ جنگلات منی کنٹھن نے یہ بات بتائی۔ مقامی دیہاتیوں کے مطابق اس شیرنی نے اتوار کو ناگن ہلی گاوں میں ایک جانور پر حملہ کرتے ہوئے اسے ہلاک کردیا تھا۔اس علاقہ میں تلاشی کے لئے اضافی اسٹاف اور دسہرہ کے دو ہاتھیوں کو تعینات کیا گیا تھا۔ بعدازاں اس کے پنجوں کے نشانات سے اس کی موجودگی کا پتہ چلا۔ محکمہ جنگلات کے اسٹاف نے جال بچھاتے ہوئے محفوظ طریقہ سے اسے پکڑلیا۔ منی کنٹھن نے کہا کہ شیرنی کی صحت اور حالت کی بنیا دپر مستقبل کا لائحہ عمل طے کیا جائے گا۔ 


نوجوان آئی اے ایس افسران کی اسسٹنٹ کمشنر کے طور پر تعیناتی
بنگلورو۔12؍اکتوبر(ایس او نیوز) 2015میں ہوئے یو پی ایس سی امتحان میں کامیاب دو مسلم آئی اے ایس افسران کو تربیت کے بعد آج ریاستی حکومت نے ان کے نئے عہدوں پر تعینات کرنے کا فیصلہ کیا۔ محکمۂ ڈی پی اے آر کی طرف سے جاری کئے گئے حکمنامہ میں 2015کی بیچ کی آئی اے ایس آفیسر آر فوزیہ ترنم کو کولیگال سب ڈویژن کی اسسٹنٹ کمشنر کے طور پر تعینات کرنے کی ہدایت جاری کی گئی ہے۔ اس کے علاوہ ایک اور جواں سال آفیسر 2015کی بیچ کے ہی محمد روشن کو تربیت مکمل ہونے کے بعد ہاویری ضلع کے ساؤنور سب ڈویژن کے اسسٹنٹ کمشنر کے طور پر تعینات کرنے کا حکمنامہ جاری کیاگیا ہے۔اس کے علاوہ ان کی بیچ میں فار غ دیگر آئی اے ایس افسران کو بھی ریاست کے مختلف سب ڈویژنوں میں اسسٹنٹ کمشنروں کے طور پر تعینات کرنے کا فیصلہ کیاگیا ہے۔
 

ایک نظر اس پر بھی

انتخابات کے پیش نظر پارٹی لیڈروں کے باہمی تبادلہ خیالات کاسلسلہ سی ایم ابراہیم کی جے ڈی ایس سربراہ دیوے گوڈا سے ملاقات

ریاستی اسمبلی انتخابات جیسے جیسے قریب آنے لگے ہیں ، سیاسی قائدین سے ملاقاتیں اور ان سے تبادلہ خیالات کا سلسلہ شروع ہوجاتا ہے جوکافی اہم اور دلچسپ ہوا کرتا ہے ۔

کانگریس نے لوک سبھا میں بھی طلاق ثلاثہ بل کی مخالفت کی تھی کرناٹک وقف بورڈ کے انتخابات میں تاخیر افسوسناک :ڈاکٹر کے رحمٰن خان

لوک سبھا میں طلاق ثلاثہ بل کے خلاف کانگریس نے کوئی آواز نہیں اٹھائی یہ ایک غلط خبر ہے اور بھارتیہ جنتا پارٹی (بی جے پی) کی پیداوار ہے جس کو اسی کی ایماء پر میڈیا نے پھیلایاہے۔

اگلا وزیراعلیٰ بنانے ہائی کمان کے اعلان سے سدارامیاکا حوصلہ بلند راہل گاندھی کے بیان سے وزیراعلیٰ کی کرسی پر نظر رکھے لیڈروں کو مایوسی۔ بغاوت کے آثار

ریاست کرناٹک میں ہونے و الے اگلے اسمبلی انتخابات میں کانگریس پارٹی اگر اکثریت حاصل کرکے دوبارہ اقتدار حاصل کرلے گی تو سدارامیا ہی اگلے وزیراعلیٰ ہوں گے ۔

مودی ، یوگی اور ونود سب نے کرناٹک کی توہین کی ،گالی گلوچ بی جے پی کا مزاج ؛گوا کے وزیر آبپاشی ونود پالیکر نے کیا کنڑیگا س کو ذلیل

منہ پھٹ بی جے پی لیڈرز ہر دن کوئی نہ کوئی متنازعہ اور اشتعال انگیز بیان دیتے ہوئے عوامی غیض وغضب کا شکار ہورہے ہیں، بیلگاوی ضلع کے خانہ پور تعلقہ میں چل رہے کلسا نالا تعمیراتی کاموں کا معائنہ کرنے کے بعد گوا کے وزیر برائے آبپاشی ونود پالیکر نے کرناٹک کے باشندوں کو حرامی کہہ ...

اُترکنڑا کے سُودّی ٹی وی نیوز چینل کے رپورٹرکی بائک درخت سے ٹکراگئی؛ رپورٹر کی موقع پر موت

سرسی سے ہانگل جانے کے دوران ایک کنڑا نیوز چینل کے رپورٹر کی بائک تیز رفتاری کے ساتھ  ایک درخت سے ٹکرانے کے نتیجے میں موقع پر ہی اُس کی موت واقع ہوگئی۔ یہ حادثہ اتوار کو ضلع ہاویری کے ہانگل کے قریب گُنڈورو نامی دیہات میں علی الصباح پیش آیا۔

دستور کو تبدیل کرنے والی بات کہنے والے آننت کمار ہیگڈے کے حلقہ میں ہی پہنچ کر گرجے فلم ایکٹر پرکاش رائے؛ کہا ہماری خاموشی ہمیں مار ڈالے گی

’بھائی چارگی کے ساتھ جینا‘ اور ’ہمارا دستور ہمارا فخر ‘کے موضوع پر سرسی کے راگھویندرا مٹھ میں منعقدہ ریاستی اجلاس کا افتتاح کرتے ہوئے معروف دانشور اداکار پرکاش رائے نے کہا کہ اس وقت دیش کو ایک بہت بڑی بیماری لگ گئی ہے۔

سرسی میں پرکاش رائے کے خطاب کردہ اسٹیج کوبی جے پی نے گائے کے پیشاب سے کیاپاک !

’ہمارا دستور ہمارا فخر‘کے موضوع پر اداکار دانشور پرکاش رائے نے سرسی میں جس اسٹیج سے خطاب کیا تھااس مقام کو اور راگھویندرامٹھ کلیان منٹپ کے احاطے کو بی جے پی کارکنان نے گائے کے پیشاب سے پاک کرنے کی کارروائی انجام دی۔

بھٹکل سرکاری اسپتال میں ایک بھی ڈاکٹر ڈیوٹی پر موجود نہ ہونے پر عوام اور مریض سخت برہم؛ احتجاج کی دھمکی کے بعددوسرے اسپتال کا ڈاکٹر پہنچا اسپتال

آج صبح سے بھٹکل سرکاری اسپتال میں ایک بھی ڈاکٹر موجود نہ ہونے کو لے کر مقامی عوام جو مریضوں کو لے کر اسپتال پہنچے تھے، سخت برہم ہوگئے اور اسپتال پر موجود نرس سمیت دیگر اسٹاف پر اپنا غصہ اُتارنے کی کوشش کی۔ اس موقع پر ڈیوٹی پر موجود نرس کو عوام نے آڑے ہاتھوں لیتے ہوئے  دس منٹ ...