یڈ یورپا کے خلاف اے سی بی جانچ روک دینے کا حکم؛کرناٹک ہائی کورٹ سے عبوری راحت

Source: S.O. News Service | By Shahid Mukhtesar | Published on 22nd September 2017, 11:07 PM | ریاستی خبریں |

بنگلورو، 22ستمبر (ایس او نیوز؍عبدالحلیم منصور) کرناٹک ہائی کورٹ نے آج اپنے ایک عبوری حکم میں سابق وزیراعلیٰ و صدر کرناٹک بی جے پی بی ایس یڈیورپا کے خلاف بدعنوانیوں کے الزامات کے بارے میں انسداد رشوت ستانی بیورو (اے سی بی ) کی مزید جانچ کو روک دیا۔ اس طرح انہیں عبوری راحت ملی ہے ۔یڈیورپا کی جانب سے پیش کردہ ایک عرضی پر جج اروند کمار نے شہر میں مجوزہ شیوا رام کرانت لے آوٹ کے لئے محصلہ 257ایکڑاراضی کے ڈی نوٹیفکیشن کے بارے میں سابق وزیراعلیٰ کے خلاف درج ایف آئی آر پر اے سی بی کی جانب سے کی جانے والی جانچ کو روک دیا۔ یڈیورپانے اپنی عرضی میں کہا کہ سدارامیا نے ان کے خلاف سیاسی مقاصد کے تحت غیر قانونی طور پر معاملہ دائر کیا ہے ۔ جج نے کل اے سی بی کے اس استدلال کو مستردکردیاتھا کہ یہ رٹ عرضی قابل سماعت نہیں ہے ۔ اے سی بی کے وکیل کے دعوی کو مسترد کرتے ہوئے جج نے کہا کہ ہائی کورٹ شاذ و نادر معاملہ میں اس طرح کی عرضی کی سماعت کرنے کیلئے غیرمعمولی اختیارات استعمال کرسکتا ہے اور دستور کے دفعات 226اور 227کے تحت عدالت کو محصلہ اختیارات کسی بھی قانون سازی سے چھینے نہیں جاسکتے ۔اے سی بی نے یہ استدلال پیش کیا تھا کہ عدالت بدعنوانی کے معاملات میں جانچ کو روک نہیں سکتی کیوں کہ انسداد رشوت ستانی قانون کی دفعہ کے تحت ایسا کرنے پر پابندی ہے ۔

ایک نظر اس پر بھی

کرناٹکا کی ریاستی حکومت کا ٹو وہیلر بائیک پر ڈبل سواری کو روک لگانے کا فیصلہ؛ کیا یہ فیصلہ عوام کی پریشانیوں میں مزید اضافہ کا سبب بنے گا ؟

کرناٹک حکومت جلدہی ایک فیصلہ کرنے جارہی ہے جسے میں ریاست کے دوپہیوں والے سوار کی زندگی میں تبدیلی آسکتی ہے۔ریاستی حکومت 100سی سی یا اس سے کم انجن کی صلاحیت والے دو پہیوں کی موٹر گاڑیوں پر دو لوگوں کی سواری کرنے پر روک لگانے جارہی ہے ۔

ہبلی :پٹاخوں سے گھر میں لگی آگ ، کئی اشیاء جل کر خاک : کوئی جانی نقصان نہیں

دیوالی کے موقع پر پٹاخوں کو پھوڑنے کو لےکر سرکاری و غیر سرکاری طورپر احتیاطی تدابیر اختیار کرنےکے سلسلےمیں کئی احکامات جاری کئے جاتےہیں اور رہنمائی کی جاتی ہے لیکن اس کے باوجو د ہر سال پٹاخوں سے جانیں تلف ہونے  بچوں کی بینانی متاثر ہونے   پر سماجی ذمہ داران تشویش کا اظہار ...

وزیر اعلیٰ عہدے کے امیدوار کا اعلان نہ ہونے کی کانگریس کی انتخابی امید پر کوئی اثر نہیں ہوگا: جی پرمیشور

کرناٹک ریاستی کانگریس نے آج یہاں کہا کہ اسمبلی انتخابوں سے پہلے ریاست میں وزیر اعلیٰ عہدہ کے امید وار کے نام کا اعلان نہیں کئے جانے سے پارٹی کی امیدوں پر اس کاکوئی اثرنہیں پڑے گا۔