ریاست کرناٹک میں مانسون 70 فیصد زیادہ

Source: S.O. News Service | By Shahid Mukhtesar | Published on 19th July 2018, 12:37 AM | ریاستی خبریں |

بنگلورو،18؍جولائی(ایس او نیوز) ریاست میں اس بارکامیاب مانسون کئی نئے ریکارڈوں کا سبب بنا ہوا ہے ، ریاست کے سبھی آبی ذخائر اس بار پہلی مرتبہ پر ہوچکے ہیں۔

محکمۂ مالگزاری کے اعداد وشمار کے مطابق اس بار مانسون کی بارشیں حسب معمول کے مطابق 70 فیصد زیادہ ہوئی ہے، ہر سال ان ایام میں کاویری مسئلے پر کرناٹک اور تملناڈو کا ٹکراؤ سرخیوں کی زینت بنا کرتا تھا، لیکن اس بار مسلسل بارشوں کے نتیجے میں تملناڈو کو جولائی میں درکار 36ٹی ایم سی فیٹ پانی جاری کردیا گیا ہے۔اس کے علاوہ زیادہ مقدار میں پانی کی دستیابی کے سبب یہ بھی فیصلہ کیا گیا ہے کہ اگست کے دوران مزید 135 ٹی ایم سی فیٹ پانی جاری کرنے کا فیصلہ کیا جاچکا ہے۔ م

حکمۂ مالگزاری کی اطلاعات کے مطابق ریاست کے 30اضلاع میں سے 21 اضلاع میں مانسون توقع سے زیادہ کامیاب رہا ہے۔ یکم جون سے 15جولائی تک ریاست کے ملناڈ اور ساحلی علاقوں میں جو بارشیں ہوئی ہیں وہ گزشتہ سال کے مقابل 75 فیصد زیادہ ہے۔ کورگ ، چکمگلور ، شیموگہ اور شمالی کینرا اضلاع میں سب سے زیادہ بارش ریکارڈ کی گئی ہے جس کی وجہ سے ان علاقوں میں آنے والے سبھی دریاؤں کے طاس لبریز ہیں۔ یہاں کے سبھی آبی ذخائر بھر گئے ہیں۔ چترادرگہ ریاست کا واحد ضلع ہے جہاں پر بارش معمول سے کم ہوئی ہے۔ رائچور اور گدگ میں بارش کم ہوئی ہے لیکن اسے معمول کے مطابق قرار دیا جارہا ہے۔

ریاست کے بارہ اضلاع میں مانسون کے دوران 9 سنٹی میٹر سے زیادہ بارش ریکارڈ کی گئی ہے۔ جبکہ بنگلور میں بھی بارش کی صورتحال کو اطمینان بخش قرار دیتے ہوئے کہا گیا ہے کہ اب تک مانسون کی چھ سنٹی میٹر بارش بنگلور میں ریکارڈ کی گئی ہے، جولائی کے آخری ہفتے تک اس میں اور بھی اضافے کا امکان ظاہر کیاگیا ہے۔اس صورتحال کو دیکھتے ہوئے محکمۂ مالگزاری نے پیشین گوئی کی ہے کہ رواں سال ریاستی عوام کو پانی کی قلت کا سامنا نہیں ہوگا۔ کیونکہ جابجا بارش کے نتیجے میں کاویری سمیت دیگر اہم دریاؤں پر موجود آبی ذخائرمیں پانی کا داخلی بہاؤ زیادہ ہے اور خارجی بہاؤ کم۔ اس کی وجہ سے پانی کا ذخیرہ زیادہ دنوں تک رہ سکتا ہے اور ریاست کے بیشتر علاقے جو چند برس قبل تک خشک سالی سے دوچار تھے ، رواں سال زرخیز ہوسکتے ہیں۔
 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔