قومی بینکوں سے کسانوں کے قرضوں کی معافی کا اعلان جلد متوقع

Source: S.O. News Service | By Shahid Mukhtesar | Published on 23rd August 2018, 10:15 PM | ریاستی خبریں |

بنگلورو،23؍اگست(ایس او نیوز) ریاست بھر کے کسانوں کو وزیراعلیٰ ایچ ڈی کمار سوامی کی طرف سے قومی بینکوں کے قرضوں کی معافی کے تحفے کا اعلان کل ممکن ہے۔ کل ہونے والی کابینہ میٹنگ میں اس سلسلے میں فیصلے کے امکانات ظاہر کئے جارہے ہیں۔

بتایاجاتاہے کہ وزیراعلیٰ کمار سوامی ور مہالکشمی تہوار کے موقع پر کسانوں کو قرضوں کی معافی کا تحفہ دیناچاہتے ہیں۔ پچھلے دو ہفتوں کے دوران ریاست میں بارش اور سیلاب کی صورتحال کی وجہ سے اس سلسلے میں فیصلہ نہیں لیا جاسکا، البتہ کوآپریٹیو بینکوں کے قرضے معاف کرنے کے متعلق فیصلے کا اعلان دو ہفتے پہلے ہی کیا جاچکا ہے۔

اس کے علاوہ کل کی کابینہ میٹنگ میں کورگ ، چکمگلور ، ہاسن اور ساحلی کرناٹک کے دیگر علاقوں میں سیلاب کی وجہ سے مچی تباہی کا جائزہ لیا جائے گا اور جنگی پیمانے پر کورگ کی از سر نو تعمیر کے لئے چند فیصلے لئے جائیں گے۔

ریاست کے بیشتر اضلاع میں بارش اور سیلاب کی صورتحال اور شمالی کرناٹک کے 13 اضلاع میں سنگین خشک سالی کی صورتحال سے نپٹنے کے لئے مرکزی حکومت سے امداد طلب کرنے پر بھی غور کیا جائے گا۔ خشک سالی سے نپٹنے کے لئے ریاستی حکومت کی طرف سے وزیر مالگزاری اور وزیر دیہی ترقیات کی طرف سے مرکز سے نمائندگی کی جائے گی۔ یہ مطالبہ کیا جائے گا کہ فوری طور پر ایک ہزار کروڑ روپے مہیا کرائے جائیں۔

ایک نظر اس پر بھی

منگلورو:آر ایس ایس پرچارک تربیتی کیمپ میں امیت شاہ کی شرکت۔ سرخ دہشت گردی ، رام مندر، سبریملا اور انتخابات پر ہوئی خاص بات چیت

ملک کی مختلف ریاستوں میں اسمبلی انتخابات کی مصروفیت کے باوجود بی جے پی کے صدر امیت شاہ نے منگلورو میں آر ایس ایس ’ پرچارکوں‘ کے لئے منعقدہ 6 روزہ تربیتی کیمپ کے اختتام سے ایک دن پہلے ’سنگھ نکیتن‘ میں پہنچ نے کے لئے وقت نکالااور تربیتی کیمپ کے شرکاء سے خطاب کیا۔

مشاعروں کو با مقصد بنا کر نفرت کے ماحول کو پیار اور محبت میں بدلا جاسکتا ہے : سید شفیع اللہ

مشاعرے اردو زبان اور ادب کی تہذیب کے ساتھ ساتھ امن اور اتحاد کو فروغ دینے کا ذریعہ بھی ہیں۔ ملک اور سماج کے موجودہ حالات کو بہتر بنانے کیلئے زیادہ سے زیادہ مشاعروں کا انعقاد کیا جائے۔ بنگلورو میں بزم شاہین کے کل ہند مشاعرے میں ان خیالات کا اظہار کیا گیا۔

ٹیپوجینتی منسوخ کرنے کی کوئی تجویز نہیں ہے جواہر لال نہروکی جنم دن تقریب سے وزیراعلیٰ کااظہار خیال

کسانوں کی طرف سے حاصل کردہ زرعی قرضہ معاف کئے جانے کے سلسلہ میں شکوک وشبہات کا شکار نہ ہوں۔ قرضہ وصولی کیلئے کسانو ں کوغیر ضروری طور پر اذیت دی گئی تو بینک منیجرکو بھی گرفتار کیا جاسکتا ہے ۔