کرناٹک انتخابات:کرناٹک کے مفادات کے لئے کانگریس نے جے ڈی ایس کی حمایت کی:سرجےوالا
نئی دہلی،15؍مئی (ایس او نیوز؍ایجنسی) کانگریس نے آج کہا کہ کرناٹک میں عوام کے مفاد میں نئی حکومت کے قیام کے لئے اس نے جنتا دل (ایس) کی حمایت کی ہے اور اسے امید ہے کہ گورنر اس اتحاد کو حکومت بنانے کے مدعو کرے گا۔کانگریس کے میڈیا انچارج رنديپ سنگھ سرجےوالا نے یہاں پارٹی ہیڈکوارٹر میں صحافیوں کو بتایا کہ کرناٹک اسمبلی انتخاب میں کانگریس اور جنتا دل ایس کو ملنے والی واضح اکثریت سے زیادہ سیٹیں ہیں لہذا گورنر کی انہیں حکومت کی تشکیل کے لئے بلانا آئینی ذمہ داری ہے۔ ان کے پاس کوئی اور متبادل نہیں ہے۔
سرجےوالا نے گوا، میگھالیہ اور منی پور میں انتخابات کے بعد کے واقعات کا ذکر کرتے ہوئے تین مواقع پر مرکزی وزیر ارون جیٹلی کے بیانات کا حوالہ دیا جس میں انہوں نے ووٹنگ بعد سب سے بڑے اتحاد کو حکومت بنانے کے لئے مدعو کرنے کو صحیح ٹھہرایا تھا۔
انہوں نے کہا کہ تین ریاستوں میں، سب سے بڑے اتحاد، جو انتخابات کے بعد قائم کیا گیا تھا۔ حکومت بنانے کے لئے مدعو کیا گیا تھا اور اسی کی حکومت بنی تھی ۔ انہوں نے کہا کہ تمام تین ریاستوں میں بی جے پی نے انتخابات کے بعد دیگر جماعتوں کے ساتھ اتحاد قائم کیا ہے۔ کانگریسی رہنما نے کہا کہ اسی طرح کرناٹک میں کانگریس - جے ڈی ایس کو حکومت بنانے کے لئے مدعو کیا جانا چاہئے۔