گلبرگہ، 19؍ نومبر (ایس او نیوز) دیہی ترقیات اور پپنچایت راج محکموں میں ریاست کرناٹک کے ہر ایک گرام پنچایت میں ایک ڈاٹا انینٹری آپریٹر کی جائیدادیں قائم کرکے اس پر تقررات کئے جارہے ہیں لیکن اس معاملہ میں علاقہ حید رآباد کرناٹک علاقہ کے امیدواروں کو تحفظات دینے کے ضمن میں کوئی واضح ہدایت نہیں دی گئی ہے ۔ اس رویہ سے اس علاقہ کے امیدواروں کے ساتھ ناانصافی ہورہی ہے۔ حیدر آباد کرناٹک ہوراٹا سمیتی کے صدر و سابق وزیر مسٹر ویجناتھ پاٹل نے مذکورہ بیان دیتے ہوئے اپنے خوف اور اندیشوں کااظہارکیاہے ۔ آج اتورکی صبح یہاں شہر میں ایک صحافتی کانفرینس ے خطاب کرتے ہوئے انھوں نے مزید کہا کہ راست طورپرتقررات کرتے ہوئے 6022عہدہوں کو پر کرنے کے معاملہ میں ریاستی حکومت نے علاقہ حیدر آباد کرناٹک کونآظر انداز کردیاہے۔ اس لئے انھوں نے نوٹیفکیشن کو منسوخ کرکے نئے طور پر نوٹیفیکشن جاری کرنے کا مطالبہ کیا ۔ انھوں نے یہ بھی بتایا کہ وزیر اعلیٰ سدرامیا کو اس خصوص میں مکتوب روانہ کرکے جانکاری دی گئی ہے تاکہ کسی بھی صورت میں علاقہ حیدر آباد کرناٹک کے امیدواروں کے ساتھ نا انصافی نہ ہو۔ انھوں نے کہا کہ اس معاملہ میں حکومت کو خصوصی توجہ دلائی جائے گی۔ مسٹر ویجناتھ پاٹل نے مطالبہ کیا کہ وزیر اعلیٰ سدرامیا گرامین ابھی وردی اینڈ پنچایت رئ محکمہ جات کے چیف سیکریٹریز اور اعلیٰ عہدہ دارن کو موثر ہدایت دیں اور علاقہ حیدرآباد کرناٹک کے امیدواروں کے ساتھ ہونے والی نا انصافی کو دور کریں ۔ انھوں نے حکومت کو متنبہ کیا کہ دو تین دنوں میں اگرہمارے اس مطالبہ کو حکومت تسلیم نہیں کرے گی تو اس صورت میں احتجاج کرنے کا فیصلہ کرناپڑے گا۔ اس موقع پر قائیدین ایم بی امبلگی،گرو شانت پٹہ ار اور دیگر موجودتھے ۔