منگلورو میں کانگریس پارٹی کا اجلاس۔ کینراپارلیمانی سیٹ پر امیدواری کے لئے دیشپانڈے کا نام سب سے آگے

Source: S.O. News Service | By I.G. Bhatkali | Published on 10th February 2019, 6:47 PM | ساحلی خبریں |

منگلورو10؍فروری (ایس او نیوز) آئندہ چند مہینوں میں درپیش پارلیمانی انتخابات کے سلسلے میں متوقع امیدواراں کے نام پر غور کرنے کے لئے منگلورو ضلع کانگریس دفتر میں منعقد کیے گئے کانگریس پارٹی کے اجلاس میں ضلع شمالی کینرا کی سیٹ پر ضلع انچارج وزیر آر وی دیشپانڈے کو امیدوار بنانے کی حمایت کرنے والوں کی تعداد سب سے زیادہ نظر آئی۔

کانگریسی پارٹی انتخابی معاملات کے ریاستی انچارج کانگریس جنرل سیکریٹری منیکم ٹاکور، سی پی وشواناتھ اور یوگیش گوڈاکی موجودگی میں منعقدہ اجلاس میں ضلع شمالی کینراسے جن پارٹی لیڈروں نے شرکت کی تھی ان میں زیادہ تعداد دیشپانڈے حامیوں کی دکھائی دی اور انہوں نے پارٹی کے اعلیٰ لیڈروں کے سامنے انہیں کا نام تجویز کیا۔کچھ لوگوں نے پرشانت دیشپانڈے اور بی کے ہری پرساد کا نام بھی پیش کیا۔اس کے علاوہ کچھ کانگریسی کارکنان نے سابق ایم ایل اے ستیش سائیل کا نام بھی لیا۔ جبکہ کانگریس سیوا دل کے آر ایچ نائک نے خود امیدوار بننے کی خواہش بھی جتائی۔

اس اجلاس میں یلاپور حلقے کے بلاک صدر ڈی ایس گاؤنکراور منڈگوڈ علاقے کے بلاک صدرروی کانت پاٹل غیر حاضر رہے۔اس سے ایک نتیجہ یہ نکالا جارہا ہے کہ یہ یلاپور کانگریسی اسمبلی رکن شیورام ہیبار کے حمایتی حلقے کی غیر حاضری ہے۔البتہ بنواسی کے بلاک صدرسی ایف نائک میٹنگ میں موجود رہے۔ منگلورو کے اس اجلاس میں کانگریس پارٹی سے چنے گئے ضلع پنچایت، تعلقہ پنچایت، ٹاؤن پنچایت اور دیگر بلدیاتی اداروں کے لئے منتخب شدہ اراکین ، بلاک اور ضلع کانگریس کمیٹیوں کے صدور اور سابقہ و موجودہ اراکین اسمبلی کو شرکت کرنے کے لئے کہا گیا تھا۔ بتایاجاتا ہے کہ ضلع شمالی کینرا سے 50سے زیادہ نمائندوں نے اس اجلاس میں شرکت کی۔

اجلاس کے دوران ایک موقع پر اس بات پر بھی زور دیا گیا کہ ضلع شمالی کینرا سے کسی نامدھاری امیدوار کو ہی ٹکٹ دیا جانا چاہیے۔

شرکائے اجلاس نے مرکزی نمائندوں پر واضح کیا کہ اگر ٹکٹ آر وی دیشپانڈے کو دی جاتی ہے تو سب سے اچھی بات ہے ، ورنہ بصورت دیگر امیدوار نامدھاری طبقے سے ہی ہونا چاہیے۔البتہ میٹنگ حاضر کچھ لیڈروں کو یہ بھی کہتے ہوئے سنا گیا کہ دیشپانڈے کے نام پر غور کرنے کے بجائے براہ راست نامدھاری امیدوار کو ہی میدان میں اتارنا بہتر رہے گا۔

میٹنگ میں ضلع پنچایت صدر جئے شری موگیر، ضلع کانگریس صدر بھیمنّا نائک، سابق رکن اسمبلی ستیش سائیل، شاردا شیٹی اور دیگر کانگریسی لیڈران موجودتھے۔

ایک نظر اس پر بھی

منگلورو میں سی اے اے مخالف احتجاج کے دوران ہوئی پولیس فائرنگ میں ہلاک ہونے والے افراد کے خاندانوں کو معاوضہ

بنگلورو میں آئی یو ایم ایل کے نیشنل سکریٹریٹ کا اجلاس منعقد ہوا۔ اس موقع پر کرناٹک کے ساحلی شہر منگلورو کے دو متاثرہ خاندانوں کو پانچ پانچ لاکھ روپئے کے چیک دئے گئے۔

سرسی میں راہ گیرعورتوں کے  زیورات چھین کر فرار ہونے والا لٹیرا گرفتار

راہ چلتی خواتین کے گلےمیں اور ان کے  جسم  پر موجود سونے کے زیورات کو چھین کر فرار ہونے والے لٹیرے کو شہر کی مارکیٹ تھانہ  پولس نے گرفتار کرتےہوئے 1لاکھ روپئے  مالیت کے سونے کے زیورات ضبط کرلینے کا واقعہ پیش آیا ہے۔

بھٹکل انجمن حامئی مسلمین کی نومنتخب مجلس عاملہ کی میٹنگ میں اگلی میعاد کے لئے عہدیداران کا انتخاب : ایڈوکیٹ مزمل قاضیا صدر اور اسماعیل صدیق جنرل سکریٹری منتخب

مشہور و معروف قو می تعلیمی ادارے انجمن حامئی مسلمین بھٹکل کی مین آفس  شمس الدین بلاک میں 22فروری کو محمد شفیع شاہ بندری پٹیل کی صدارت میں  منعقدہ  انجمن کے نومنتخب مجلس انتظامیہ کی میٹنگ میں ہائی کورٹ کے وکیل  ایڈوکیٹ محمد مزمل قاضیا کو صدر اور  جنرل سکریٹری کے طورپردوبارہ ...