ریاست میں سیلاب کی تباہی سے نپٹنے امداد کا مطالبہ، کمار سوامی کی قیادت میں ریاستی وفد کی مودی سے ملاقات

Source: S.O. News Service | By Shahid Mukhtesar | Published on 10th September 2018, 9:11 PM | ریاستی خبریں | ملکی خبریں |

بنگلورو،10؍ستمبر(ایس اونیوز) وزیر اعلیٰ ایچ ڈی کمار سوامی کی قیادت میں آج ریاست کے ایک وفد نے وزیراعظم نریندر مودی سے ملاقات کی اور ریاست میں بارش اور سیلاب کی تباہی سے نپٹنے کے لئے فوری طور پر 1199 کروڑ روپیوں کی رقم جاری کرنے کا مطالبہ کیا۔ اس وفد نے جس میں سابق وزیراعظم ایچ ڈی دیوے گوڈا، نائب وزیراعلیٰ ڈاکٹر جی پرمیشور، وزیر مالگزاری آر وی دیش پانڈے، وزیر دیہی ترقیات کرشنابائرے گوڈا، وزیر تعمیرات عامہ ایچ ڈی ریونا اور وزیر برائے آبی وسائل ڈی کے شیوکمار شامل تھے۔

وزیراعظم کوسیلاب کی تباہی کے متعلق تفصیلی معلومات فراہم کیں اور بتایاکہ طوفانی بارش اور سیلاب کی وجہ سے ریاست میں کس حد تک تباہی مچی ہوئی ہے، اور متاثرین کے لئے ریاستی حکومت کی طرف سے اب تک کیا قدم اٹھائے گئے ہیں۔ وزیراعظم کو بتایاگیا کہ ریاست کے 30 میں سے 17 اضلاع میں خشک سالی جیسی صورتحال پیدا ہوگئی ہے۔ حالانکہ اس وفد کے ساتھ شامل ہونے کے لئے ریاستی بی جے پی قائدین کو بھی مدعو کیاگیا تھا لیکن ان تمام نے وفد میں شامل نہ ہونے کا فیصلہ کیا۔ وزیراعظم سے ملاقات کے بعد وزیراعلیٰ ایچ ڈی کمارسوامی نے بتایاکہ ریاست کے ساحلی اور ملناڈ علاقوں پر مشتمل سات اضلاع میں طوفانی بارش اور سیلاب کے ساتھ زمین کھسکنے کے واقعات کی وجہ سے بھاری جانی ومالی نقصان ہوا ہے، ہزاروں کی تعداد میں لوگ بے گھر ہوئے ہیں اور ہزاروں ایکڑ زمین پر کھڑی فصلیں تباہ ہوچکی ہیں۔ ان اضلاع کا بنیادی ڈھانچہ سیلاب کی وجہ سے تقریباً ختم ہوچکا ہے۔ان تمام کی بحالی کے لئے ریاستی حکومت کی طرف سے جدوجہد کی جارہی ہے۔ وزیراعلیٰ نے کہاکہ سیلاب اور زمین کھسکنے کے واقعات کی وجہ سے ریاست کو مجموعی طور پر 3705 کروڑ روپیوں کا نقصان ہوا ہے۔

انہوں نے کہاکہ حکومت کی طرف سے ہنگامی طور پر ریاستی آفات رسپانس فنڈ سے 49کروڑ روپیوں کے ساتھ ریاست کے ریلیف فنڈ سے دو سو کروڑ روپے متاثرہ اضلاع کو فراہم کئے گئے ہیں۔ اس سے پہلے وزیراعلیٰ نے حال ہی میں وزیر داخلہ راجناتھ سنگھ سے ملاقات کرکے ریاست میں سیلاب اور طوفانی بارشوں سے مچی تباہی کے بارے میں معلومات فراہم کی تھیں اور مرکزی ٹیم روانہ کرنے کی بھی گزارش کی تھی۔ وزیر اعلیٰ نے بتایا کہ ریاست کے جن اضلاع میں سیلاب سے تباہی مچی وہاں راحت کاری کے لئے قدم اٹھائے جارہے ہیں تو بقیہ 17 اضلاع میں خشک سالی جیسی صورتحال پیدا ہوگئی ہے۔ اس موقع پر موجود وزیر مالگزاری آر وی دیش پانڈے نے بتایاکہ شمالی اور اندرونی کرناٹک کے حصوں میں آنے والے 17 اضلاع خشک سالی سے متاثر ہوچکے ہیں ان علاقوں میں پانی اور چارے کی قلت سے نپٹنے کے لئے ضروری قدم اٹھائے گئے ہیں۔

انہوں نے کہاکہ ان اضلاع میں آنے والے تمام تعلقہ جات کو خشک سالی سے متاثرہ قرار دینے کے سلسلے میں جلد فیصلہ لیا جائے گا۔ کل اس سلسلے میں ریاستی کابینہ کی ذیلی کمیٹی میٹنگ ہوگی، جس میں حالات کا تفصیلی جائزہ لینے کے بعد خشک سالی سے نپٹنے کے لئے مرکزی حکومت سے امداد کی مانگ کے لئے میمورنڈم تیار کیا جائے گا۔انہوں نے کہا کہ خشک سالی سے متاثرہ اضلاع میں 8؍ ہزار کروڑ روپیوں کی فصلوں کا نقصان ہوا ہے۔ انہوں نے بتایاکہ ریاست میں جملہ 74.69 لاکھ ہیکٹر زمین پر خریف بوئی گئی تھی اس میں سے 62.88 لاکھ ہیکٹر زمین پر کاشتکاری بارش کی کمی کے سبب نہ ہوسکی۔

مسٹر دیش پانڈے نے بتایاکہ ریاست کو اس بار دو الگ الگ قسم کی صورتحال کا سامنا کرنا پڑا ہے، آدھی ریاست پانی کی کثرت سے تباہ ہوئی ہے تو آدھی ریاست پانی کی قلت سے بدحال ہے۔اگست کے دوسرے ہفتے کے دوران ریاست کے جنوبی اور ساحلی علاقوں میں جو بارش ہوئی ہے وہ محکمۂ موسمیات کے ریکارڈ کے مطابق گزشتہ 118 سال کی سب سے بڑی بارش ہے۔ اس وجہ سے ان علاقوں کے آبی ذخائر نہ صرف پر ہوئے بلکہ افزود باہر کی طرف بہانا پڑا۔ ایسی صورتحال اب تک پیدا نہیں ہوئی تھی۔بارش کی کثرت کے سبب ان علاقوں میں زرعی سرگرمیاں متاثر ہوئی ہیں۔خاص طور پر زمین کھسکنے کے واقعات کی وجہ سے ملناڈ علاقہ جو ریاست کا زر خیز علاقہ مانا جاتا ہے پوری طرح تباہ ہوچکا ہے، زمین کھسکنے کی وجہ سے یہاں اب کاشتکاری کے لئے زمین مہیا نہیں ہے۔

کورگ میں کافی کی فصلوں کی تباہی کے سبب ملک میں سب سے زیادہ کافی کی کاشت کرنے والا علاقہ تاراج ہوچکا ہے، کورگ میں اگائی جانے والی کافی کا 90فیصد حصہ ایکسپورٹ ہوتاہے، لیکن اس بار ضلع میں 95 فیصد سے زیادہ کافی کی فصل ختم ہوچکی ہے۔طوفانی بارش اور سیلاب کی وجہ سے تین قومی شاہراہیں 275 ، 75،اور 234 کورگ کی طرف متاثر ہوئی ہیں تو میسور ضلع میں کیرلا کی طرف جانے والی212بھی متاثر ہوئی ہے۔ان شاہراہوں پر آنے والے گھاٹ سیکشن میں زمین کھسکنے کی وجہ سے گھاٹ کی کئی سڑکیں غائب ہوچکی ہیں، ان کو جنگی پیمانے پر بحال کیا جارہاہے۔ حکومت نے مطالبہ کیا ہے کہ اس صورتحال سے نپٹنے کے لئے مرکزی حکومت فوراً مداخلت کرے۔

دوسری طرف ریاست کے 17 اضلاع خشک سالی کی لپیٹ میں آچکے ہیں۔ ریاست کے جملہ 176تعلقہ جات میں سے صرف 23ایسے تعلقہ جات ہیں جہاں پربارش معمول سے زیادہ ہوئی ہے۔64 تعلقہ جات میں بارش معمول کے مطابق ہوئی ہے اور89 تعلقہ جات میں بارش معمول کے مقابل کافی کم ہوئی ہے۔ 2؍ ستمبر کی رپورٹ کے مطابق ریاست کے 104تعلقہ جات میں گزشتہ تین ہفتوں سے بارش نہ ہونے کے سبب خشک سالی کی صورتحال پیدا ہوگئی ہے۔ابتدائی اندازے کے مطابق 15لاکھ ہیکٹر زمین پر زراعت اور باغبانی متاثر ہوئی ہے، اس سے ہونے والا خسارہ آٹھ ہزار کروڑ روپیوں سے متجاوز ہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...