چامراج نگر زہریلے پرسادسے ہلاکتوں کا معاملہ: گروہی مفاد پرستی نے لی 15بے قصوروں کی جان۔ مندر کے پجاری نے دی تھی سپاری !

Source: S.O. News Service | By I.G. Bhatkali | Published on 19th December 2018, 7:43 PM | ریاستی خبریں | ملکی خبریں | اسپیشل رپورٹس |

بنگلورو19؍دسمبر (ایس او نیوز) چامراج نگر کے سولواڈی گاؤں میں مندر کا زہریلا پرساد کھانے کے بعد ہونے والی15بھکتوں کی ہلاکتوں کے پیچھے اسی مندر کے چیف پجاری کی سازش کا خلاصہ سامنے آیا ہے۔

پولیس کے بیان کے مطابق اس معاملے گرفتار کیے گئے ایک چھوٹے مندر کے پجاری ڈوڈیّا نے پوری سازش پر سے پردہ اٹھاتے ہوئے کہا ہے کہ مندر کے انتظامات کو لے کر چل رہی گروہی جنگ کی وجہ سے اپنے مخالف گروہ کو بدنام کرنے کے لئے مندر کے چیف پجاری ہیمّاڈی مہا دیوا سوامی نے اسے رقم کے بدلے پرساد میں زہر ملانے کا کام سونپا تھا۔

مندر کی آمدنی میں خرد برد: اس سازش کے تار دراصل مندر میں بڑھتی ہوئی آمدنی سے جاملتے ہیں جس پرسولواڈی کُچو مارمّا مندر کے ٹرسٹ میں آپسی رسّہ کشی شروع ہوگئی تھی اور چیف پجاری کے حامیوں اور اس کی مخالفت کرنے والوں کے دو گروہ بن گئے تھے اور دونوں مندر کے مالیات سمیت تمام انتظامی معاملات میں اپنے گروہ کو حاوی دیکھنا چاہتے تھے۔ مخالف گروہ کا الزام تھا کہ سالور مٹھ کے ہیماڈی مہادیوا سوامی چامراج نگر کے اس مندر ٹرسٹ کے ذمہ دار کی حیثیت سے مندر کی آمدنی میں خرد برد کرنے لگے ہیں اور مندر کو عطیہ میں ملنے والے سونے کے زیورات وغیرہ خود اٹھاکر لے جارہے ہیں۔ اس پر ٹرسٹ کے دیگر اراکین نے اعتراض کیا اور حساب وکتاب کو باقاعدہ ریکارڈ میں رکھنے کا مشورہ دیا۔ اس وجہ سے مہادیوا سوامی کا ایک گروہ بناجس میں ان کے خاص ساتھی وی مہادیّااور مندر منیجر مادیش شامل تھے۔ جبکہ دوسرا گروپ مندر کے خزانچی نیل کنٹا شیواچاریہ، اسسٹنٹ منیجر گروملّپا ،سیکریٹری ششی بیمبا، ٹرسٹ کے اراکین چینپی ، پی شیونّا، ایچ لوکیش اور کیشو مورتھی پر مشتمل تھا۔چینپّی نے مندر کے حساب وکتاب کی جانچ پڑتال شروع کی تو ہیماڈی مہادیو ا سوامی کو یہ بات ہضم نہیں ہوئی۔

گنبد کی تعمیر کا ٹھیکہ : امسال اکتوبر میں مہادیوا سوامی نے اپنے قریبی شخص کو مندر کے لئے ایک نیا گنبد بنانے کا ٹھیکہ دیا جس کی لاگت 1.5کروڑ روپے تھی۔جب یہ بات ٹرسٹ کے دیگر اراکین کو معلوم ہوئی تو انہوں نے اس سے اختلاف کیا ۔ کیونکہ مندر کے پاس صرف34لاکھ روپے تھے اور 1.5کروڑ روپے خرچ کرنے کا منصوبہ بنایا گیا تھا۔ چینپی اور اس کے گروہ کے ٹرسٹیوں نے دسمبر میں اسی کام کے لئے کم لاگت والا ٹھیکہ دوسرے شخص کو دے دیا اور گنبد کی تعمیر کا آغاز کرتے وقت مندر میں بھکتوں کے لئے خصوصی پروگرام کا انعقاد کیا جس میں کھا ناپیش کیاجانے والا تھا۔

مخالف گروہ سے بدلہ لینے کی سازش : مخالف گروہ کے اس اقدام سے ناراض مہادیوا سوامی نے اپنے ساتھی مادیش اور اس کی بیوی امبیکا (جو کہ سوامی جی کی رشتے دار ہے)کے ساتھ مل کر انتقام لینے کی سازش رچی ۔پڑوسی گاؤں ناگر کوئیل کے ایک پجاری ڈوڈیا کو پروگرام کے دن فراہم کیے جانے والے کھانے میں کیڑے مار دوائی (insecticide) ملانے کی ذمہ داری سونپی گئی۔اس کے پیچھے ان کامقصد یہ تھا کہ پرساد کھانے کے بعد لوگ قئے کرنے لگیں گے  اور بیمار ہوکراسپتالوں میں داخل ہوجائیں گے۔ اس سے مخالف گروہ پر الزامات لگیں گے اور عوام اس گروہ سے بدظن ہوجائیں گے ۔ اور پھر اس کے بعد مندر کے ٹرسٹ پر مہادیوا سوامی کامکمل کنٹرول قائم رکھنا آسان ہوجائے گا۔

پرساد میں ملایا گیا زہر: کہا جاتا ہے کہ مادیش اور اس کی بیوی نے ہی کیڑے مار دوائی حاصل کرکے پجاری ڈوڈیا کے حوالے کی تھی۔منصوبہ یہ تھا کہ کھانا پکانے کے پانی میں زہریلی دوا ملادی جائے ۔ لیکن 14دسمبر کی صبح جب ڈوڈیا سولواڈی کے مندر میں پہنچا اور باورچی خانے میں جھانک کردیکھاتو تب تک کھانا تیار ہوچکا تھا۔سب لوگ باہر پروگرام میں مصروف تھے۔ کچن میں کوئی موجود نہیں تھا۔ ڈوڈیا نے اس موقع سے فائدہ اٹھاتے ہوئے کھانے میں زہر ملادیا اور چپکے سے باہر نکل گیا۔

چور کی داڑھی میں تنکا: وہ جو کہتے ہیں نا چور کی داڑھی میں تنکا، تو وہ بات ڈوڈیا پر صادق آگئی۔ کیونکہ جیسے ہی کھانے میں زہر ہونے اور کئی افراد کے بیمار اور ہلاک ہونے کی خبریں عام ہوگئیں تو ڈوڈیا بھی پیٹ درد کی شکایت کرتے ہوئے کے آر اسپتال میسورو میں داخل ہوگیا۔ ڈاکٹروں کو اس کے اندر بیماری یا زہر خورانی کی علامات نظر نہیں آئیں۔ مزید تحقیق کے لئے اس کے خون کی جانچ کی گئی تو رپورٹ بالکل نارمل تھی۔ اس پر ڈاکٹروں کو دال میں کچھ کالا ہونے کا شبہ ہوااور انہوں نے اسپتال میں داخل ڈوڈیا کے تعلق سے پولیس کو اطلاع دے دی۔پھر جب پولیس نے اپنی حراست میں لے کر اس سے سختی کے ساتھ پوچھ تاچھ کی تو اس نے پوری سازش کا خلاصہ کردیاجس سے پتہ چلا کہ پانچ لوگوں کی مفادپرستی اور انتقام کی آگ نے پندرہ بے قصوروں کی جان لے لی ہے۔

ایک نظر اس پر بھی

بنگلورو کا آبی بحران: تالابوں کو نگلتا کنکریٹ کا جنگل!

دیوالی کے بعد کی بارشوں میں کئی فٹ پانی میں ڈوبا ہوا شہر گرمیوں کے شروع ہوتے ہی پانی کی ایک ایک بوند کو ترس رہا ہے۔ اگر چہ یہ بہانہ کیا جائے کہ بارش مسلسل دو سال سے کم ہو رہی ہے اور ریاست کی 256 تحصیلوں میں خشک سالی کا اعلان کیا جا چکا ہے لیکن حقیقت یہ ہے کہ بنگلورو جیسے پانی سے بھرے ...

کرناٹک میں 26 اپریل اور 7 مئی کو 2 مرحلوں میں ہوگی پولنگ

کرنا ٹک  میں 2 مرحلوں میں 26 اپریل اور 7 مئی کو پارلیمانی انتخابات ہوں گے، الیکشن کمیشن آف  انڈیا ( ای سی آئی) نے ہفتہ کو آئندہ لوک سبھا انتخابات کے شیڈول کا اعلان کیا ہے۔ کرنا  ٹک میں 28 سیٹوں کے لیے دووٹنگ  دو مرحلوں میں 26 اپریل اور 7 مئی کو ہونے والی ہے۔

کانگریس صدر ملکارجن کھرگے نے کسانوں، نوجوانوں اور خواتین کے لیے کانگریس کی 15 گارنٹیوں کو بتایا انتہائی اہم

لوک سبھا انتخاب 2024 کا اعلان ہو چکا ہے اور سبھی پارٹیوں کی سرگرمیاں اب مزید بڑھنے والی ہیں۔ حالانکہ پہلے سے ہی سبھی سیاسی پارٹیاں انتخابی مہم میں زور و شور سے مصروف ہیں۔  لوک سبھا انتخاب کا شیڈول جاری ہونے سے قبل کانگریس صدر ملکارجن کھرگے نے بنگلورو میں ایک پریس کانفرنس کیا جس ...

ایشورپا کے بیٹے کو نہیں ملی بی جے پی کی ٹکٹ؛ بغاوت کا اعلان؛ آزاد اُمیدوار کی حیثیت سے لڑیں گے شیموگہ حلقے سے الیکشن

اپنے  بیٹے کو بی جے پی کی ٹکٹ نہ دینے اور  یڈی یورپا کے بیتے کو شموگہ کی ٹکٹ دینے پر ناراض  بی جے پی کے سینئر لیڈر اور سابق نائب وزیر اعلیٰ ایشورپّا نے اعلان کیا ہے کہ وہ آزاد اُمیدوار کے طور پر شموگہ حلقے سے الیکشن لڑیں گے  اور  سابق وزیر اعلیٰ ایڈی یورپّا ا کے فرزند بی وائی ...

کرناٹک: پی یو سی امتحان میں طلبہ کو 'گریس مارکس' نہیں ملیں گے ۔ ایگزامنیشن بورڈ کی وضاحت

پی یو سی بورڈ کے امتحان میں فیزکس کے پیپر میں طلبہ کو گریس مارکس دینے کا جو سرکیولر وائرل ہوا ہے اس کے تعلق سے پی یو سی بورڈ نے وضاحت کی ہے کہ یہ ایک جعلی سرکیولر ہے اور ایسا کوئی فیصلہ بورڈ نے نہیں کیا ہے ۔ 

کرناٹک کے سابق وزیر اعلیٰ یدی یورپا کے خلاف پاکسو ایکٹ کے تحت مقدمہ درج، 17 سالہ لڑکی کے جنسی استحصال کا الزام

خود کو ملک کی سب سے ’سنسکاری‘ پارٹی کہنے والی بی جے پی کے لیڈر اور کرناٹک کے سابق وزیر اعلیٰ بی ایس یدی یورپا کے خلاف پولیس نے پاکسو ایکٹ کے تحت مقدمہ درج کیا ہے۔ یہ مقدمہ ایک 17 سالہ بچی کی والدہ کی شکایت کی بنیاد پر درج ہوا ہے۔ متاثرہ کی ماں نے الزام لگایا ہے کہ رواں سال 2 فروری ...

دہلی شراب پالیسی معاملہ: کویتا نے کیجریوال اور سسودیا کے ساتھ مل کر سازش کی! ای ڈی کا الزام

انفورسمنٹ ڈائریکٹوریٹ (ای ڈی) نے کہا ہے کہ دہلی ایکسائز پالیسی معاملہ کی تحقیقات میں پتہ چلا ہے کہ بی آر ایس لیڈر کے کویتا نے دہلی کے وزیر اعلی اروند کیجریوال اور ان کے اس وقت کے نائب وزیر اعلی منیش سسودیا سمیت عام آدمی پارٹی کے اعلی رہنماؤں کے ساتھ سازش کی تھی۔ ای ڈی نے یہ بھی ...

دہلی دنیا کی سب سے زیادہ آلودہ راجدھانی، بہار کا بیگوسرائے بھی آلودہ ترین شہر

دنیا بھر میں آلودگی کے حوالے سے تازہ ترین رپورٹ سامنے آئی ہے، جس میں دہلی کو آلودہ ترین فضا والی راجدھانی قرار دیا گیا ہے۔ تاہم اگر ہم دنیا کے سب سے آلودہ شہر کی بات کریں تو بہار کا بیگوسرائے سرفہرست ہے۔ سوئس تنظیم ’آئی کیو ایئر‘ کی ورلڈ ایئر کوالٹی رپورٹ 2023 کے مطابق، 54.4 ...

پرینکا گاندھی نے ’شکتی‘ تنازعہ پر وزیر اعظم مودی پر کیا حملہ، کہا ’پی ایم مودی دھیان بھٹکانے میں ماسٹر‘

راہل گاندھی نے گزشتہ روز ممبئی میں ایک بیان دیا تھا جس میں کہا تھا کہ وہ اس ’شکتی‘ (طاقت) کے خلاف لڑ رہے ہیں جو ملک کے لیے منفی حالات پیدا کر رہے ہیں۔ راہل گاندھی کے اس بیان پر وزیر اعظم نریندر مودی نے آج حملہ کیا اور ’شکتی‘ کو ’عورت‘ قرار دیتے ہوئے ایسا ظاہر کیا جیسے راہل ...

لوک سبھا انتخاب 2024: بہار این ڈی اے میں سیٹوں کا ہوا بٹوارا، بی جے پی کو 17 اور جنتا دل یو کو ملی 16 سیٹیں

کافی مشقت، ناراضگی، منانے اور روٹھنے کے مراحل سے گزرنے کے بعد این ڈ ی اے نے بالآخر بہار میں سیٹوں کی تقسیم کا اعلان کر دیا۔ پیر شام کو دہلی میں این ڈ ی اے کی پریس کانفرنس میں اس کا اعلان کیا گیا۔ سٹیوں کی تقسیم کے مطابق بی جے پی 17 سیٹوں پر الیکشن لڑے گی جبکہ جے ڈی یو 16، چراغ ...

بہار میں کابینہ توسیع کے بعد بی جے پی کے 12 اراکین اسمبلی ناراض!

بہار کے وزیر اعلیٰ نتیش کمار کے پالا بدلنے کے بعد سے بہار میں سیاسی ناراضگی اور غول بندی کا ایک سلسلہ سا شروع ہو گیا ہے۔ وزارت حاصل کرنے کے لیے کبھی جے ڈی یو کے ارکان اسبلی لابنگ کرتے ہوئے نظر آتے ہیں تو کبھی بی جے پی کے لوگ محاذ آرائی کرتے دکھائی دیتے ہیں۔ اس درمیان اب خبر یہ ...

لوک سبھا انتخاب 2024: کانگریس ورکنگ کمیٹی کی میٹنگ ، انتخابی منشور پر لگے گی مہر

کانگریس ورکنگ کمیٹی (سی ڈبلیو سی) کی میٹنگ منگل یعنی 19 مارچ کو ہونے والی ہے جس میں لوک سبھا انتخاب کے پیش نظر پارٹی کے انتخابی منشور پر آخری مہر لگے گی۔ سی ڈبلیو سی میٹنگ کے بعد پارٹی صدر ملکارجن کھرگے کی صدارت میں کانگریس کی مرکزی الیکشن کمیٹی (سی ای سی) کی بھی میٹنگ ہوگی جس میں ...

نئی زندگی چاہتا ہے بھٹکل کا صدیوں پرانا 'جمبور مٹھ تالاب'

بھٹکل کے اسار کیری، سونارکیری، بندر روڈ، ڈارنٹا سمیت کئی دیگر علاقوں کے لئے قدیم زمانے سے پینے اور استعمال کے صاف ستھرے پانی کا ایک اہم ذریعہ رہنے والے 'جمبور مٹھ تالاب' میں کچرے اور مٹی کے ڈھیر کی وجہ سے پانی کی مقدار بالکل کم ہوتی جا رہی ہے اور افسران کی بے توجہی کی وجہ سے پانی ...

بڑھتی نفرت کم ہوتی جمہوریت  ........ ڈاکٹر مظفر حسین غزالی

ملک میں عام انتخابات کی تاریخوں کا اعلان ہونے والا ہے ۔ انتخابی کمیشن الیکشن کی تاریخوں کے اعلان سے قبل تیاریوں میں مصروف ہے ۔ ملک میں کتنے ووٹرز ہیں، پچھلی بار سے اس بار کتنے نئے ووٹرز شامل ہوئے، نوجوان ووٹرز کی تعداد کتنی ہے، ایسے تمام اعداد و شمار آرہے ہیں ۔ سیاسی جماعتیں ...

مالی فراڈ کا نیا گھوٹالہ : "پِگ بُوچرنگ" - گزشتہ ایک سال میں 66 فیصد ہندوستانی ہوئے فریب کاری کا شکار۔۔۔۔۔۔۔(ایک تحقیقاتی رپورٹ)

ایکسپوژر مینجمنٹ کمپنی 'ٹینیبل' نے ایک نئی رپورٹ جاری کی ہے جس میں یہ انکشاف کیا گیا ہے کہ پچھلے سال تقریباً دو تہائی (66 فیصد) ہندوستانی افراد آن لائن ڈیٹنگ یا رومانس اسکینڈل کا شکار ہوئے ہیں، جن میں سے 81 فیصد کو مالی نقصان کا سامنا کرنا پڑا ہے۔

مسلمان ہونا اب اس ملک میں گناہ ہے۔۔۔۔۔۔۔۔از: ظفر آغا

انہدام اب ایک ’فیشن‘ بنتا جا رہا ہے۔ یہ ہم نہیں کہہ رہے بلکہ یہ مدھیہ پردیش ہائی کورٹ کا بیان ہے۔ بے شک مکان ہو یا دوکان ہو، ان کو بلڈوزر کے ذریعہ ڈھا دینا اب بی جے پی حکومت کے لیے ایک فیشن بن چکا ہے۔ لیکن عموماً اس فیشن کا نشانہ مسلم اقلیتی طبقہ ہی بنتا ہے۔ اس کی تازہ ترین مثال ...

کیا وزیرمنکال وئیدیا اندھوں کے شہر میں آئینے بیچ رہے ہیں ؟ بھٹکل کے مسلمان قابل ستائش ۔۔۔۔۔ (کراولی منجاو کی خصوصی رپورٹ)

ضلع نگراں کاروزیر منکال وئیدیا کا کہنا ہے کہ کاروار میں ہر سال منعقد ہونےو الے کراولی اتسوا میں دیری اس لئے ہورہی ہے کہ  وزیرا علیٰ کا وقت طئے نہیں ہورہاہے۔ جب کہ  ضلع نگراں کار وزیر اس سے پہلے بھی آئی آر بی شاہراہ کی جدوجہد کےلئے عوامی تعاون حاصل نہیں ہونے کا بہانہ بتاتے ہوئے ...

اترکنڑا میں جاری رہے گی منکال وئیدیا کی مٹھوں کی سیاست؛ ایک اور مندر کی تعمیر کے لئے قوت دیں گے وزیر۔۔۔(کراولی منجاؤ کی خصوصی رپورٹ)

ریاست کے مختلف علاقوں میں مٹھوں کی سیاست بڑے زورو شور سے ہوتی رہی ہے لیکن اترکنڑا ضلع اوراس کے ساحلی علاقے مٹھوں والی سیاست سے دورہی تھے لیکن اب محسوس ہورہاہے کہ مٹھ کی سیاست ضلع کے ساحلی علاقوں پر رفتار پکڑرہی ہے۔ یہاں خاص بات یہ ہےکہ مٹھوں کے رابطہ سے سیاست میں کامیابی کے ...