کرناٹک کابینہ کی توسیع 22 دسمبر کو

Source: S.O. News Service | By Shahid Mukhtesar | Published on 6th December 2018, 9:08 PM | ریاستی خبریں |

بنگلورو،06؍ دسمبر (ایس او نیوز؍آئی این ایس انڈیا)کرناٹک کے وزیر اعلی ایچ ڈی کمارسوامی 22 دسمبر کو اپنے 26 رکنی کابینہ میں توسیع کریں گے اور کانگریس کے چھ اور اپنے جنتا دل سیکولر (جدیس) کے دو وزراء کو کابینہ میں شامل کریں گے۔ کابینہ میں توسیع نہیں ہونے سے عدم اطمینان بڑھ رہا تھا۔ایسے میں کابینہ کی توسیع شک وشبہات کو ختم کرتے ہوئے حکمراں اتحاد کے دونوں جماعتوں کی رابطہ کمیٹی نے بدھ کو سابق وزیر اعلی اور سینئر کانگریس لیڈر سدھرمیا کی قیادت میں ملاقات کی اور تاریخ طے کی۔رابطہ کمیٹی کی دو گھنٹے تک جاری رہی ملاقات کے بعد سددھرمیا نے بتایا کہ یہ تاریخ کانگریس صدر راہل گاندھی اور جدیس سربراہ ایچ ڈی دیوگوڑا کے ساتھ مشورہ کرنے کے بعد طے کی گئی ہے۔ کمیٹی نے اسی دن اتحاد کے ممبران اسمبلی کو مختلف سرکاری بورڈز اور کارپوریشنز کا صدر مقرر کرنے کا بھی فیصلہ کیا۔حکمراں اتحاد اور خاص طور پر کانگریس کے ممبران اسمبلی کے درمیان کابینہ کی توسیع کو لے کر باتیں بڑھتی جا رہی تھی۔کچھ ممبران اسمبلی نے تو تاخیر پر کھل کر عدم اطمینان کا اظہار کیا تھا۔کمارسوامی کابینہ کی یہ دوسری توسیع ہوگیا۔کانگریس اور جدیس نے اسمبلی انتخابات مینڈیٹ آنے کے بعد آپس میں ہاتھ ملایا تھا۔مئی میں ان کا اتحاد اقتدار میں آیا۔پہلی کابینہ توسیع جون میں ہوئی تھی۔ دوسری کابینہ توسیع اکتوبر میں متوقع تھی لیکن وہ ملتوی ہوگئی۔ سددھرمیا نے کہا کہ کابینہ توسیع نو دسمبر کو کرنے کی منصوبہ بندی کی تھی لیکن اس کے اگلے ہی دن اسمبلی کا اجلاس شروع ہونے کی وجہ سے اس کوملتوی کر دیا تھا۔اب یہ کام 22 دسمبر کو ہوگا۔

ایک نظر اس پر بھی

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...

سدانندگوڈا، پربلاد جوشی، سریش انگڑی، شیوکمار اداسی مرکزی وزارت کی دوڑ میں ایڈی یورپا، شوبھا کے حق میں، نرملا سیتارامن کونیااہم قلمدان ملنے کی توقع

مرکزی وزیر برائے اسٹاٹسٹکس اور پروگرام اپلی منٹیشن، ڈی وی سدانندگوڈا،ہبلی- دھارواڈ لوک سبھا رکن پربلاد جوشی،بلگام سے رکن پارلیمان سریش انگڑی اور ہاویری رکن پارلیمان شیوکمار اداسی اب کرناٹک سے مرکزی وزارت کے لئے دوڑ میں سب سے آگے ہیں -

ایچ کے پاٹل نے راہل گاندھی کو بھیجا استعفیٰ

ریاست میں کانگریس کے تشہیری مہم کمیٹی کے صدر ایچ کے پاٹل نے لوک سبھا انتخابات میں ریاست میں پارٹی کی شکست کی اخلاقی ذمہ داری لیتے ہوئے اپنے عہدے سے استعفی دینے کی پیشکش کی ہے۔

کرناٹک میں جے ڈی ایس مخلوط حکومت کو مستحکم رکھنے کانگریس خواہاں؛ تمام وزراء نے کیا کمارسوامی کی قیادت پر اظہار اعتماد

لوک سبھا انتخابات میں کانگریس جے ڈی ایس اتحاد کی بدترین ناکامی کا آج وزیراعلیٰ ایچ ڈی کمار سوامی کی طرف سے طلب کی گئی غیر رسمی کابینہ میٹنگ میں جائزہ لیاگیا، اور طے کیاگیا کہ اس شکست سے مایوس ہوکر بیٹھنے کی بجائے آنے والے دنوں میں مخلوط حکومت کو اور متحرک اور مستحکم کرنے کے ...