کرناٹکا بجٹ: ملیناڈو وکے لئے امیداور آس تو ساحلی علاقے کے لئے مایوسی

Source: S.O. News Service | By Shahid Mukhtesar | Published on 9th February 2019, 9:08 PM | ساحلی خبریں | ریاستی خبریں |

کاروار9؍فروری (ایس او نیوز) کرناٹکا ریاستی اسمبلی میں وزیراعلیٰ کماراسوامی نے جو بجٹ پیش کیا ہے، اس میں ایک طرف ملیناڈو کے علاقے میں محض امید اور آس جگائی گئی ہے، تودوسری طرف ساحلی علاقے کے عوام کو کافی مایوسی ہوئی ہے۔

ملیناڈواور ساحلی علاقے میں باغبانی، سیاحت کے فروغ، بنیادی سہولتوں کی ترقی، تعلیم اور ماہی گیری جیسے شعبوں پر کوئی توجہ نہیں دی گئی ہے۔ اس کے باوجود کہاجاسکتا ہے کہ سماج کے تمام طبقات کے مفادات کو پوراکرنے کی نیت سے تیار کیا گیا ہے۔منڈگوڈ کے تالابوں کو وردا ندی کے پانی سے بھرنے کے لئے 40کروڑ روپے مختص کیے گئے ہیں۔اس کے علاوہ کاروار کے میڈیکل سائنس انسٹی ٹیوٹ کے لئے 150کروڑ روپے رکھے گئے ہیں، جس میں کاروار کے ڈسٹرکٹ اسپتال کوترقی دے کر 450بستروں والے اسپتال میں تبدیل کرنا بھی شامل ہے۔اس سے ہٹ کر ضلع شمالی کینرا کے لئے کوئی بھی فنڈ مختص نہیں کیا گیا ہے۔ کمٹہ میں ایئر اسٹرپ (چھوٹا ہوائی اڈہ) کی تعمیر کے تعلق سے عوام کو امیدیں تھیں، مگر اس کے بارے میں کوئی اعلان نہیں ہے۔ساحلی علاقے میں سیاحت کو فروغ دینے کے سلسلے میں بھی کسی تازہ منصوبے کا اعلان نہیں کیا گیا ہے۔صرف ساحلی پٹی کی ترقی کے لئے 7کروڑ روپے فنڈ مختص کیا گیا ہے، جسے اونٹ کے منھ میں زیرہ کی مثال کہا جاسکتا ہے۔

ماہی گیروں کو تھوڑی خوشی اس بات سے ہوسکتی ہے کہ ان کی کشتیوں پر اِسرو کے تصدیق شدہ ڈی اے ٹی آلہ استعمال کرنے کے لئے 50فی صد سبسیڈی فراہم کرنے کی گنجائش رکھی گئی ہے اور اس کے لئے 3کروڑ روپوں کا فنڈ مخصوص کیا گیا ہے۔

ایک نظر اس پر بھی

بھٹکل تعلقہ کے دوپنچایتوں کے جھگڑےمیں  مٹدہتلو اور مرڈیشور کا راستہ یتیم : عوامی نمائندوں پر عوام کی نظر

بھٹکل تعلقہ مرڈیشور کے ماولی -2 اور کائی کنی گرام پنچایتوں کی سرحد کی پیچیدگیوں چلتے مٹدہتلو اور مرڈیشور کے درمیان والی سڑک کا ایک ٹکڑا  یتیم ہوکر راہ گیروں اور بائک سواروں کے لئے مشکلات پیدا کئے ہوئے ہے۔

آئی ایم اے کیس کی ایس آئی ٹی جانچ تقریباً مکمل، 9ستمبر کو چارج شیٹ ممکن

کروڑوں روپے کے آئی ایم اے فراڈ کیس کی جانچ میں لگی ریاستی پولیس کی خصوصی تحقیقاتی ٹیم(ایس آئی ٹی) اس معاملے میں 9ستمبر کو چارج شیٹ دائر کرنے کی تیاری میں لگی ہے تو دوسری طرف اس کیس کی جانچ ابھی ابھی اپنے ماتحت لینے والی مرکزی تحقیقاتی ایجنسی سی بی آئی کی طرف سے اس کیس میں ایک سابق ...

ایڈی یورپا کو پارٹی ہائی کمان کی تنبیہ۔ وزارتی قلمدان تقسیم کرو یا پھر اسمبلی تحلیل کرو

عتبر ذرائع سے ملنے والی خبر کے مطابق بی جے پی ہائی کمان نے وزیراعلیٰ کرناٹکا ایڈی یورپا کو تنبیہ کرتے ہوئے کہا ہے کہ وزارتی قملدانوں سے متعلق الجھن اور وزارت سے محروم اراکین اسمبلی کے خلفشار کو جلد سے جلد دور کرلیں ورنہ پھر اسمبلی کو تحلیل کرتے ہوئے از سرِ نو انتخابات کا سامنا ...

اے پی سی آر نے داخل کی انسداددہشت گردی قانون میں ترمیم کے خلاف سپریم کورٹ میں اپیل

مرکزی حکومت نے انسداد دہشت گردی قانون یو اے پی اے میں جو حالیہ ترمیم کی ہے اور کسی بھی فرد کو محض شبہات کی بنیاد پر دہشت گرد قرار دینے کے لئے تحقیقاتی ایجنسیوں کو جو کھلی چھوٹ دی ہے اسے چیلنج کرتے ہوئے ایسوسی ایشن فار  پروٹیکشن آف سوِل رائٹس (اے پی سی آر) نے سپریم کورٹ میں اپیل ...