یڈیورپا کرناٹک حکومت کو گرانے کی سازش کررہے ہیں: کانگریس

Source: S.O. News Service | By Shahid Mukhtesar | Published on 9th February 2019, 9:20 PM | ریاستی خبریں | ملکی خبریں |

نئی دہلی/بنگلورو،9فروری (ایس او نیوز؍یو این آئی) کانگریس نے کرناٹک کے سابق وزیر اعلیٰ اور بی جے پی کے سینئر لیڈر بی ایس یڈیورپا پر ممبران اسمبلی کی خرید و فروخت کے ذریعے ریاست کی مخلوط حکومت گرانے کی سازش کرنے کا الزام لگاتے ہوئے کہا کہ انہوں نے سپریم کورٹ کی ساکھ پر بھی سوال اٹھایا ہے ، اس لئے عدالت عظمیٰ کو اس معاملے کا از خود نوٹس لینا چاہئے ۔

کانگریس جنرل سکریٹری کے سی وینو گوپال اور پارٹی کے میڈیا سیل کے سربراہ رندیپ سنگھ سورجے والا نے ہفتہ کو یہاں پریس کانفرنس میں ایک آڈیو سنا کر یہ دعوی کیا کہ اس میں مسٹر یڈیورپا نے اسمبلی اسپیکر کے آر رمیش کمار کو اپنے حامی ممبران اسمبلی کو تیار کرنے کے لئے 50 کروڑ روپے اور بی جے پی کی حمایت کرنے پر ہر رکن اسمبلی کو 10 کروڑ روپے دینے اور وزیر بنانے کی بات کہی ہے ۔

مسٹر کے سی وینو گوپال نے کہا کہ یہ آڈیو جمعہ کی شام کو کرناٹک کے وزیر اعلیٰ ایچ ڈی کمارسوامی نے جاری کیا ہے، جس میں بات چیت کے دوران مسٹر یڈیورپا وزیر اعظم نریندر مودی اور بی جے پی صدر کا نام لیتے ہوئے کہہ رہے ہیں کہ اگر ممبران اسمبلی کا معاملہ سپریم کورٹ جائے گا تو مسٹر مودی اور مسٹر امت شاہ دہلی میں ججوں سے ان کے معاملات کو حل کریں گے ۔ کانگریسی لیڈروں نے کہا کہ اس بات چیت سے ظاہر ہوتا ہے کہ بی جے پی کی مرکزی قیادت بھی کرناٹک میں ممبران اسمبلی کی خرید و فروخت کر کے ریاست میں بی جے پی حکومت بنوانے کے لئے سرگرم ہے ۔

آڈیوٹیپ کے مطابق اراکین اسمبلی کی خرید و فروخت پر تقریبا دو سو کروڑ روپے خرچ ہونے ہیں اور ہم جاننا چاہتے ہیں کہ اتنی بڑی رقم کہاں سے آئے گی۔ مرکزی حکومت ریاست کی منتخب حکومت کو غیر مستحکم کر رہی ہے ۔ مسٹر سورجے والا نے کہا کہ بی جے پی کی یہ سازش قومی سطح پر شرم کی بات ہے ۔ انہوں نے کہا کہ مسٹر مودی نے پارلیمنٹ میں کالے دھن اور شفافیت پر لمبا خطبہ دیا تھا۔ انہیں بتانا چاہئے کہ ممبران اسمبلی کی خریداری کے لئے یہ پیسہ کہاں سے آ رہا ہے ۔ بی جے پی کو کروڑوں روپے کون دے رہا ہے ۔

کانگریس لیڈر نے مسٹر مودی کو مسٹر یڈیورپا کے خلاف بدعنوانی اور کالا دھن کے معاملے میں ایف آئی آر درج کر کے کارروائی کرنے کا چیلنج کیا اور کہا کہ کیا وزیر اعظم ملک کو یقین دلائیں گے کہ وہ اپنے بدعنوان لیڈر کے خلاف انسداد بدعنوانی قانون اور کالا دھن قانون کے تحت کارروائی کریں گے ؟ مسٹر کے سی وینو گوپال نے یہ بھی کہا کہ آڈیو میں مسٹر یڈیورپا جب ممبران اسمبلی کی خریداری کے لئے 10 کروڑ روپے دینے کی بات کر رہے ہیں تو وہ کس بنیاد پر کہہ رہے ہیں کہ سپریم کورٹ میں اس معاملے کو مسٹر مودی اور بی جے پی صدر امت شاہ سنبھال لیں گے، وہاں کی فکر نہ کرو؟۔

کانگریس لیڈروں نے سپریم کورٹ سے اس معاملے کا از خود نوٹس لینے کی اپیل کرتے ہوئے کہا کہ اس سے عدالت عظمیٰ کے وقار پر سوال اٹھا ہے ، اس لئے اسے کارروائی کرنی چاہئے ۔ انہوں نے کہا کہ مسٹر مودی بدعنوانی برداشت نہ کرنے کا دعویٰ کرتے ہیں اور انہیں اب مسٹر یڈیورپا کی بدعنوانی کے خلاف بھی کارروائی کرتے ہوئے ان کے یہاں ای ڈی اورسی بی آئی کے ذریعے چھاپے ڈال کر یہ پتہ لگایا جانا چاہئے کہ ان کے پاس اتنا پیسہ کہاں سے آیا؟۔ انہوں نے کہا کہ اگر مسٹر مودی مسٹر یڈیورپا کی بدعنوانی کو لے کر اٹھنے والے سوالات کا جواب نہیں دیتے ، تو یہ ثابت ہو جائے گا کہ 'چوکیدار ہی چور' ہے ۔

ایک نظر اس پر بھی

بنگلور میں ائرو انڈیا شو کے دوران پارکنگ احاطہ میں اچانک آگ؛ قابو پانے تک سوسے زائد سواریاں جل کر خاکستر

ائیرو انڈیا شوکے چوتھے دن بنگلور کے یلہنکا ائرفورس اسٹیشن کے پارکنگ والی جگہ پر اچانک آگ لگنے سے  150 سے زائد سواریاں شعلہ پوش ہونے کی اطلاع موصول ہوئی ہے۔ آگ لگنے کی یہ واردات آج سنیچر صبح پیش آئی۔

اکرم پاشاہ ہاسن ضلع کے نئے ڈپٹی کمشنر

ہاسن ضلع کے نئے ڈپٹی کمشنر اکرم پاشاہ آئی اے ایس نے آج عہدہ کا جائزہ لے لیا ۔ 2012ء میں آئی اے ایس افسر کی حیثیت سے ترقی پانے والے اکرم پاشاہ اس سے پہلے ساڑھے پانچ سال مائنارٹی ڈائرکٹوریٹ میں ڈائرکٹرکی حیثیت سے بہترین خدمات انجام دے چکے ہیں ۔

مرکزی ریلوے وزیر پیوش گوئل کی موجودگی میں کمار سوامی نے سب اربن ریلوے کو منظوری دی

وزیر اعلیٰ ایچ ڈی کمار سوامی آج اپنے رہائشی دفتر کرشنا میں مرکزی وزیر برائے ریلوے و کوئلہ پیوش گوئل سے ملاقات کی ریاست میں کوئلہ ( ایندھن)کی فراہمی اور سب اربن ریلوے منصوبہ کے سلسلہ میں تبادلہ خیال کیا ۔

وقف بورڈ انتخابات : اب تک ماڈل بیلیٹ پیپر جاری نہ کرنے پرامیدوار برہم،الیکٹرول میں بوگس ووٹروں کو شامل کرنے کاالزام

کرناٹک اسٹیٹ وقف بورڈ کے 2مارچ کو ہونے والے انتخابات کیلئے ماڈ ل بیلٹ پیپر آج تیار کئے جانے کی اطلاع ملی ہے ، جبکہ یہ ماڈل بیلٹ پیپر 18فروری کو ہی تیار کیا جانا تھا، بروقت ماڈل بیلٹ پیپر نہ ملنے سے بیزار امیدوارانتخابی مہم چلانے دوروں پر نکل چکے ہیں۔

بی بی ایم پی میں چہرہ شناس بائیو میٹرک نظام ضروری گنڈنا کا مطالبہ۔افسران اور ملازمین کی جانب سے لاپروائی کئے جانے کا الزام

رواں سال کے بروہت بنگلورو مہانگر پالیکے( بی بی ایم پی) بجٹ میں کئے گئے اعلان کے مطابق چہرہ پر کھنے والے بائیو میٹرک نظام لازمی طورپر جاری کئے جانے سے ہی بہتر انتظامیہ ممکن ہے۔

ریاستیں کشمیری شہریوں کو تحفظ فراہم کرائیں،مرکز نے مشاورت جاری کی

پلوامہ دہشت گردانہ حملے کے پیش نظر ملک کے مختلف حصوں میں جموں کشمیر سے متعلق لوگوں پر حملے کی خبروں کے درمیان مرکزنے جمعہ کی رات تمام ریاستوں کو جموں کشمیر سے متعلق لوگوں کی حفاظت کو یقینی بنانے کی ہدایت دی۔

پی چدمبرم کا طنز، مودی کے رہتے بی جے پی کو کسی کی صلاح کی کیا ضرورت

لیفٹیننٹ جنرل (ریٹائرڈ) ڈی ایس ہڈا کو کانگریس کی جانب سے قومی سلامتی پرمشاورت تیار کرنے کی ذمہ داری دئے جانے کو لے کر وزیر خزانہ ارون جیٹلی کے حملے پر جوابی حملہ کرتے ہوئے کانگریس کے سینئر لیڈر پی چدمبرم نے ہفتہ کو طنز کیا

رابرٹ واڈرا نے عدالت میں عرضی داخل کر معاملے سے منسلک دستاویزات کی کاپیاں مانگی

منی لانڈرنگ کے معاملات میں انفورسمنٹ ڈائریکٹوریٹ (ای ڈی) کی جانچ کا سامنا کر رہے رابرٹ واڈرا نے ہفتہ کو دہلی کی ایک عدالت میں عرضی داخل کر جانچ ایجنسی سے کیس سے منسلک دستاویزات کی کاپیاں مانگی۔

ہماری حکومت بنی تو نیم فوجی دستوں کے جوانوں کو ملے گا شہید کا درجہ: راہل گاندھی

کانگریس صدر راہل گاندھی نے سنیچر کو کہا کہ آئندہ لوک سبھا انتخابات کے بعد ان کی پارٹی کی حکومت بننے پرملک کے لیے جان نچھاور کرنے والے نیم فوجی دستوں کے جوانوں کو بھی ’شہید‘ کا درجہ دینے کا بندوبست کیا جائے گا۔