بی جے پی پارلیمانی حلقوں کے انچارج کے تقرر پراختلافات کا شکار

Source: S.O. News Service | By Shahid Mukhtesar | Published on 30th November 2018, 11:56 PM | ریاستی خبریں |

بنگلورو،30؍نومبر(ایس او نیوز) لوک سبھا انتخابات کے لئے بی جے پی کی طرف سے حلقوں کے انچارج مقرر کئے جانے کو لے کر اختلافات شدت اختیار کرچکے ہیں۔ پارٹی کے دفتر میں منعقدہ لیجسلیچر پارٹی میٹنگ میں اس بات پر شدت سے زور دیا گیا ہے کہ لوک سبھا حلقوں کے لئے جن انچارجوں کا تقرر ہوا ہے انہیں فوراً بدلا جائے۔ پارٹی کے بعض لیڈروں نے انہیں جن حلقوں کی ذمہ داری د ی گئی ہے اس پر اعتراض کیا اور مانگ کی کہ انہیں اہم حلقوں کی ذمہ داریاں ملنی چاہئیں۔ پارٹی کے سینئر لیڈر ایشورپا کو میسور حلقے کی ذمہ داری دی گئی ہے جس پر انہوں نے خود اعتراض کیا اور کہاکہ اس ضلع کی سیاست کے بارے میں انہیں اتنی جانکاری نہیں ہے، ایسے میں وہاں پہنچ کر پارٹی کے امور کی نگرانی ان کے لئے مشکل ہے۔ انہوں نے کہاکہ حال ہی میں انہوں نے شیموگہ پارلیمانی حلقے کے ضمنی انتخاب کے انچارج کے طور پر بخوبی کام کیا ، اگر انہیں یہ ذمہ داری دی جائے تو اسی حلقے کی دی جائے دوسرے کسی حلقے کی ذمہ داری قبول کرنے سے انہوں نے صاف انکارکردیا۔ سابق وزیر وی سومنا نے چکبالاپور حلقے کی ذمہ داری لینے سے انکار کردیا اور کہاکہ ان کا حلقہ بدلا جائے۔ انہوں نے کہاکہ کولار اور چکبالاپور میں بی جے پی کا وجود نہ ہونے کے برابر ہے۔اسی لئے انہیں ایسے کسی حلقے کی ذمہ داری کی ضرورت نہیں ہے۔ اسی طرح سابق رکن اسمبلی وائی سمپنگی کو کولار حلقے کی ذمہ داری سونپی گئی تھی، انہوں نے بھی یہ ذمہ داری قبول کرنے سے انکار کردیا۔ بنگلور نارتھ لوک سبھا حلقے کی ذمہ داری کرشنا ریڈی کو دی گئی تو انہوں نے بھی ذمہ داری سنبھالنے سے انکار کردیا تو دوسری طرف حلقے کے رکن پارلیمان اورمرکزی وزیر سدانند گوڈا نے کرشنیا شٹی کو ذمہ داری دینے سے انکار کردیا۔ ان اختلافات کے مدنظر بی جے پی قیادت نے طے کیا ہے کہ بلگاوی لیجسلیچر اجلاس کے فوراً بعد انچارجوں کو بدلا جاسکتا ہے۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔