25جنوری کو کرناٹک بند کرناٹک فیڈریشن کی تائیدنہیں
بنگلورو،22؍جنوری(ایس او نیوز)چلولی واٹال پارٹی کے سربراہ وسابق رکن اسمبلی صدرواٹال ناگراج سے 25جنوری کو کرناٹک بند کے اعلان پر ریاست کے مختلف کنڑا نواز تنظیموں نے تائید نہ کرنے کا اعلان کیا ہے ۔ تنظیموں کے فیڈریشن کے جنرل سکریٹری نٹراج نے یہاں اخباری نمائندوں سے بات کرتے ہوئے بتایا کہ ان کے فیڈریشن میں 500 سے زائد کنڑا نواز تنظیمیں موجود ہیں جو تمام کے تمام 25 جنوری کو ہونے والے بند کے لئے تائید نہ کرنے کا فیصلہ کرچکے ہیں۔ انہوں نے بتایا کہ باربار کسی مسئلہ کو لے کر اگر بند منایا جانے لگا تو اس سے عوام اور مزدور طبقہ کو کافی پریشانی کا سامنا کرنا پڑتا ہے اور بند کی وجہ سے جو نقصانات پیش آئے ہیں اس کی بھرپائی کون کرے گا ۔اس جانب بھی توجہ مبذول کرنی چاہئے۔ انہوں نے بتایا کہ گزشتہ 4 برسوں کے دوران 8سے 10 مرتبہ کرناٹک بند منایا گیا ہے جس کی وجہ سے عام زندگی مفلوج ہوچکی تھی۔ اوربند کی وجہ سے کروڑوں روپیوں کا نقصان بھی ہوا ہے ۔