کرناٹک میں بی جے پی کی جیت آسان نہیں ہے راہل گاندھی، سدارامیا کی زیر قیادت کانگریس کاسامنا مشکل ہے: پرکاش جاویڈکر

Source: S.O. News Service | By Shahid Mukhtesar | Published on 12th February 2018, 11:55 AM | ریاستی خبریں |

بنگلورو،11؍فروری(ایس او نیوز) باپ دادا اور خاندانی دولت و ثروت میں کانگریس پارٹی تیر رہی ہے ، موروثی مال ودولت میں کانگریس مست ہے ، کانگریس پارٹی میں نہرو کنبہ کے علاوہ کوئی بھی شخص کانگریس کا قومی صدر نہیں بن سکتا ، یہ ممکن نہیں کہ دوسرا کوئی صدر بنے ، اس لئے راہل گاندھی کو آل انڈیا کا نگریس کمیٹی ( اے آئی سی سی ) کا صدر بنایا گیا ہے ،ان تنقیدی خیالات کااظہار مرکزی وزیر اور ریاستی انتخابی نگراں کار پرکاش جاویڈکر نے کیا شہر کے ایک ہوٹل میں منعقدہ ریاستی بی جے پی میڈیا ورکشاپ کاافتتاح کرتے ہوئے جاویڈ کر نے کہا کہ کانگریس میں گاندھی پر یوار کے علاوہ کسی دوسرے شخص کو پارٹی صدر بنانا ممکن نہیں ہے ، جبکہ بی جے پی میں ایک چائے بیچنے والاآدمی بھی وزیر اعظم کی گدی پر بیٹھ سکتا ہے ، ایک معمولی کسان کابیٹا صدر جمہوریہ ہند کے عہدے پر فائزہ ہوجاتا ہے ، انہوں نے کہا کہ بی جے پی پارٹی میں بہت کشادگی ہے ، بی جے پی میں اگرمحنت ،مشقت کی جائے تو کسی بھی اعلیٰ سے اعلیٰ عہدے پر براجمان ہوناممکن ہے ۔ اس کی زندہ مثالیں نریندر مودی ، صدر ہند رام ناتھ کوند اور نائب صدر وینکیا نائیڈو ہیں ۔ کانگریس تقریباً تمام ریاستوں سے بے دخل ہوگئی ہے ، کانگریس کے پاس ون کرناٹک اور نارتھ ایسٹ ریاستیں رہ گئی ہیں۔ کرناٹک میں کانگریس اپنے اقتدار کی بر قراری کیلئے سر توڑ کوششیں کررہی ہے،لیکن کرناٹک بی جے پی کے لئے بھی آسان لقمہ نہیں ہے۔ یہاں بی جے پی کی جیت اتنی آسان بھی نہیں ہے ، تاہم اگر ہم جدوجہد کریں ، ریاست میں بی جے پی کو بر سر اقتدار لایاجاسکتا ہے، انہوں نے اس موقع پر کانگریس مکت کا نعرہ دیتے ہوئے کہا کہ ریاست میں آئندہ کے وزیر اعلیٰ ایڈی یورپا ہوں گے۔بی جے پی نگراں کار اور قومی پارٹی کے چیف سکریٹری پی مرلی دھرراؤ نے خطاب کرتے ہوئے کہا کہ ملک وریاست میں اب انتخابی جنگ کا آغاز ہوگیا ہے ، پارٹی میں موجودسپاہیوں کو انتخابی تشہیر کیلئے تیار کرنا ضروری ہے ۔ دن کے 24گھنٹہ بھی ہوشیار اور الرٹ رہنے کی تلقین کرتے ہوئے انہوں نے بی جے پی کو بر سراقتدار لانے پر زور دیا ۔ انہوں نے کہا کہ گزشتہ چار سال کے دوران جہاں جہاں انتخابات ہوئے وہاں بی جے پی پارٹی نے کانگریس کے خلاف جیت درج کی ہے ، لیکن کرناٹک کے حالات الگ ہیں ، یہاں بر سر اقتدار کانگریس سے لوہا لیتے ہوئے جیتناہے ،کرناٹک میں سدارامیا اور راہل گاندھی کی زیر قیادت کانگریس کا سامنا کرناہے ، سدارامیا حکومت نے ،مٹھ ،مندروں کیلئے جاری سرکاری سپردگی کا پروانہ واپس لے لیا ہے۔ تو دوسری طرف راہل گاندھی دورہ کرناٹک کے موقع پر مٹھ مندروں کی زیارت کررہے ہیں ،ووٹ کیلئے وہ یہ سب کررہے ہیں،اس موقع پر سندیپ پاترا ، جی فی ایل نرسمہاشاستری ، رامن چاریہ ، شانتا رام ودیگر شریک رہے۔

ایک نظر اس پر بھی

ملپے سے گم شدہ ماہی گیر کشتی معاملہ میں نیا موڑ: نیوی کے افسران نے مانا کہ جنگی جہاز سے ہواتھا کشتی کا تصادم

مہاراشٹرا میں سندھو درگ کے قریب سمندر میں ماہی گیری کے دوران مچھیروں سمیت لاپتہ ہونے والی کشتی ’سوورنا تریبھوجا‘ کے تعلق سے اب ایک نیا موڑ سامنے آیا ہے اور تحقیقاتی افسران کو یقین ہوگیا ہے کہ اس ماہی گیر کشتی کی ٹکر بحریہ کے ایک جنگی جہاز’آئی این ایس کوچی‘ سے ہوئی اور ماہی ...

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

گرفتاری کے خوف سے رکن اسمبلی جے این گنیش روپوش

بڈدی کے ایگل ٹن ریسارٹ میں ہوسپیٹ کے رکن اسمبلی آنند سنگھ پر حملہ کرنے والے رکن اسمبلی جے این ۔ گنیش کے خلاف بڑدی پولیس تھانہ میں ایف آئی آر داخل کرنے کی خبر کے بعد سے گنیش لاپتہ ہیں ۔

وسویشوریا یونیورسٹی رجسٹرار پر200کروڑ کے گھپلے کا الزام گورنر نے چھان بین کے لئے وظیفہ یاب جج کو مقرر کیا ۔ تعاون کرنے ملزم کو ہدایت

وسویشوریا ٹکنالوجیکل یونیورسٹی (وی ٹی یو) کے رجسٹرار اب مشکل میں پڑگئے ہیں۔ گورنر واجو بھائی روڈا بھائی والا نے جو یونیورسٹی کے چانسلر بھی ہیں،200کروڑ روپئے تک کے گھوٹالے کی چھان بین کا حکم دیا ہے۔

لنگایت طبقہ کے مذہبی رہنما شیوکمارسوامی کی آخری رسومات ادا، اسلامی تعلیمات اوراردو زبان سے بھی تھی واقفیت

یاست کرناٹک کی ایک عظیم شخصیت، لنگا یت طبقہ کے مذہبی رہنما، شیوکمارسوامی جی کی آج آخری رسومات انجام دی گئیں۔ بنگلورو کے قریب واقع ٹمکورشہرمیں شیوکمارسوامی جی کولنگایت رسومات کے مطابق دفنایا گیا۔ سدگنگا مٹھ میں آج اورکل لاکھوں کی تعداد میں لوگوں نے سوامی جی کا آخری ...