کرناٹک اسمبلی انتخابات انتخابی کمیشن وفد کی ریاستی افسروں سے ملاقات

Source: S.O. News Service | By Shahid Mukhtesar | Published on 10th January 2018, 12:34 PM | ریاستی خبریں |

بنگلورو،9؍جنوری(ایس او نیوز) ریاست کرناٹک میں اسمبلی انتخابات منعقد کرنے تیاریوں سے متعلق مرکزی انتخابی کمیشن کے وفد نے حکومت کرناٹک کے متعلقہ افسروں کے ساتھ آج تبادلہ خیال کیا۔ سینئر ڈپٹی انتخابی کمشنر امیش سنہا کی قیادت میں ریاست کرناٹک کے دورہ پر آئے 7رکنی وفد نے ریاست کی چیف سکریٹری کے رتنا پربھا اور ریاست کے دیگر سینئر افسروں سے ملاقات کرکے ان سے بات چیت کی۔ ریاست کے 3 روزہ دورہ کے دوران وفد کل 10 جنوری کو بھی سرکاری افسروں کے ساتھ تبادلہ خیال کرے گا ۔بروز جمعرات 11 جنوری انتخابی کمیشن کا وفد شہر میں سیاسی پارٹیوں سے ملاقات کرے گا۔ ذرائع کے مطابق ریاست میں اسمبلی انتخابات کی کارروائی ماہ مئی کے آخر تک مکمل ہوجانی چاہئے ۔ مئی 2013 میں کرناٹک میں ہوئے اسمبلی انتخابات میں کانگریس نے اکثریت حاصل کرکے اقتدار سنبھالا تھا۔کہا جارہا ہے کہ ریاست میں مئی کے پہلے ہفتہ میں اسمبلی انتخابات کے لئے پولنگ ہوگی ۔اعلیٰ انتخابی کمشنر کرناٹک کے دورہ پر آنے کے بعد انتخابات کی تاریخ طے ہوگی ۔ اعلیٰ انتخابی کمشنر کی آمد سے قبل وفد تیاریوں کا جائزہ لے کر رپورٹ انتخابی کمیشن کو پیش کرے گا ۔اس کے بعد ہی اعلیٰ انتخابی کمشنر تاریخ کا اعلان کریں گے لیکن ماہ مئی میں انتخابات ہونا طے ہے۔ کل 10 جنوری کو مختلف اضلاع کے ڈپٹی کمشنروں اور متعلقہ افسروں کے ساتھ کمیشن کا وفد تبادلۂ خیال کرے گا۔ ریاست میں منصفانہ انتخابات کو یقینی بنانے کمیشن نے متعلقہ افسروں کو چند ضروری ہدایات دی ہیں۔

ایک نظر اس پر بھی

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

گرفتاری کے خوف سے رکن اسمبلی جے این گنیش روپوش

بڈدی کے ایگل ٹن ریسارٹ میں ہوسپیٹ کے رکن اسمبلی آنند سنگھ پر حملہ کرنے والے رکن اسمبلی جے این ۔ گنیش کے خلاف بڑدی پولیس تھانہ میں ایف آئی آر داخل کرنے کی خبر کے بعد سے گنیش لاپتہ ہیں ۔

وسویشوریا یونیورسٹی رجسٹرار پر200کروڑ کے گھپلے کا الزام گورنر نے چھان بین کے لئے وظیفہ یاب جج کو مقرر کیا ۔ تعاون کرنے ملزم کو ہدایت

وسویشوریا ٹکنالوجیکل یونیورسٹی (وی ٹی یو) کے رجسٹرار اب مشکل میں پڑگئے ہیں۔ گورنر واجو بھائی روڈا بھائی والا نے جو یونیورسٹی کے چانسلر بھی ہیں،200کروڑ روپئے تک کے گھوٹالے کی چھان بین کا حکم دیا ہے۔

لنگایت طبقہ کے مذہبی رہنما شیوکمارسوامی کی آخری رسومات ادا، اسلامی تعلیمات اوراردو زبان سے بھی تھی واقفیت

یاست کرناٹک کی ایک عظیم شخصیت، لنگا یت طبقہ کے مذہبی رہنما، شیوکمارسوامی جی کی آج آخری رسومات انجام دی گئیں۔ بنگلورو کے قریب واقع ٹمکورشہرمیں شیوکمارسوامی جی کولنگایت رسومات کے مطابق دفنایا گیا۔ سدگنگا مٹھ میں آج اورکل لاکھوں کی تعداد میں لوگوں نے سوامی جی کا آخری ...

ملک کو ایک باضابطہ دانشمندانہ انتخابی نظام کی ضرورت ہے آئین جمہوریت کی حفاظتی حصار ہے۔ اقلیت واکثریت کے توازن کو برقرار رکھنے پر حامد انصاری کازور

سابق نائب صدر جمہوریہ ہند حامدانصاری نے کہا کہ ملک کو ایک باضابطہ سمجھدار انتخابی نظام کی ضرورت ہے ، شفاف انتخابی ماڈیول کو فروغ کی سمت بھی کوشش ہونی چاہئے ۔