بی جے پی اراکین اسمبلی کی خریدوفروخت نہیں کرتی: پرکاش جاوڈیکر

Source: S.O. News Service | By Shahid Mukhtesar | Published on 17th May 2018, 11:04 AM | ریاستی خبریں |

بنگلورو،16؍مئی (ایس او نیوز؍یو این آئی) بھارتیہ جنتا پارٹی (بی جے پی) کے رہنما اور کرناٹک میں پارٹی امور کے انچارج پرکاش جاوڈیکر نے اراکین اسمبلی کی خریدوفروخت کے الزامات کو یکسر مسترد کرتے ہوئے جوابی حملہ کیا ہے اور کہا کہ جنتا دل(ایس) اور کانگریس ایسی ہی سیاست کرتی ہیں۔بی جے پی رہنما نے آج جنتا دل ایس کے لیڈر ایچ ڈی کمارا سوامی کے کرناٹک میں حکومت بنانے کے لئے ان کی پارٹی کے اراکین اسمبلی کو لالچ دے کر توڑنے کے الزامات کو یکسر مسترد کرتے ہوئے کہا کہ وہ بی جے پی پر جھوٹے الزامات لگارہے ہیں۔ بی جے پی ’’ہارس ٹریڈنگ‘‘ نہیں کرتی۔ انہوں نے کہا کہ کانگریس اس کے لئے مشہور ہے ۔ اس کے اپنے رکن اسمبلی اس اتحاد سے خوش نہیں ہے ۔کرناٹک کی معلق اسمبلی کے بعد کانگریس کی حمایت سے حکومت بنانے کے لئے کوشا ں مسٹر کمارسوامی نے الزام لگایا ہے کہ بی جے پی نے ان اراکین اسمبلی کو 100-100؍ کروڑ روپئے اور وزارت کے عہدہ کا لالچ دیا ہے ۔ بی جے پی کے نو منتخب اراکین اسمبلی کی میٹنگ جس میں بی ایس ایڈی یورپا کو لیجسلیٹر پارٹی کا لیڈر منتخب کیا گیا ۔ میٹنگ کے بعد مسٹر جاوڈیکر نے نامہ نگاروں سے کہا کہ حقیقت یہ ہے کہ پارٹی توڑنے کی حوصلہ افزائی کرنے کا چلن جنتا دل ایس اور کانگریس میں ہے ۔ بی جے پی ایسا نہیں کرتی۔ جنتا دل ایس اور کانگریس دونوں کے ناراض اراکین اسمبلی بی جے پی کے رابطہ میں ہیں۔مسٹر کمار سوامی کے100؍ کروڑ روپئے دینے کے الزام کو مسٹر جاوڈیکر نے خیالی قرار دیتے ہوئے کہا کہ جنتا دل ایس اور کانگریس ایسی ہی سیاست کرتی ہیں۔ انہوں نے کہا کہ وہ ضابطے کی پابندی کررہے ہیں اور ان کی پارٹی سب سے بڑی واحد پارٹی کی شکل میں ابھری ہے ۔ بی جے پی کو سب سے بڑی پارٹی ہونے کے ناطے کرناٹک میں حکومت بنانے کے لئے اسے ہی مدعو کیا جانا چاہئے ۔ پارٹی نے گورنر کے پاس حکومت سازی کا اپنا دعویٰ پیش کیا ہے۔

ایک نظر اس پر بھی

اشتہاری مافیا کے بعد اب کچرا مافیا کو ختم کرنے بی بی ایم پی مستعد، دو ہفتوں میں شہر کے سبھی وارڈوں کے لئے گندگی کی نکاسی کے نئے کنٹراکٹ

برہت بنگلو رمہانگر پالیکے نے شہر میں اشتہاری مافیا پر روک لگانے کے لئے ہائی کورٹ کی یکے بعد دیگرے لتاڑ سے خوفزدہ ہوتے ہوئے اب کچرامافیاکو کچلنے کے لئے سخت قدم اٹھانے کا فیصلہ کیا ہے۔

فلیکس اور بینر ہٹانے کے لئے بی بی ایم پی کی مہم پر ہائی کورٹ برہم، 5؍ ستمبر تک مہلت دئے جانے کے اقدام پر عدالت نے بی بی ایم پی کو لیا آڑے ہاتھ

شہر بھر میں فلیکس اور بینر ہٹانے کے لئے برہت بنگلور مہانگر پالیکے کی طرف سے جاری مہم کی رفتار میں اور تیزی لانے پر زور دیتے ہوئے ریاستی ہائی کورٹ نے بی بی ایم پی کو تاکید کی ہے کہ آئندہ شہر میں فلیکس اور بینر لگاکر قانون شکنی کرنے والے افراد کے خلاف سخت کارروائی یقینی بنائی ...

کمار سوامی کی حلف برداری کے لئے میزبانی تنازعے کا شکار، حکومت کو برخاست کرنے گورنر کو مکتوب

وزیر اعلیٰ ایچ ڈی کمار سوامی کی تقریب حلف برداری میں مدعو مہمانان خصوصی کے اخراجات کو بنیاد بناکر سماجی کارکن بی ایس گوڈا نے گورنر واجو بھائی والا کو مکتوب لکھ کر مطالبہ کیا ہے کہ اپنے مہمانوں پر سرکاری خزانہ بے جا لٹانے والی کمار سوامی حکومت کو برخاست کیا جائے۔

مہادائی مسئلے پر کرناٹک سے ’’انصاف‘‘ ٹریبونل نے ریاست کو 13.5 ٹی ایم سی فیٹ پانی فراہم کرنے کا دیا حکم، کسانوں میں جشن کا ماحول 

کرناٹک اور گوا کے درمیان دیرینہ مہادائی تنازعے کے سلسلے میں ٹریبونل نے آج اپنا قطعی فیصلہ سناتے ہوئے کرناٹک کو پینے کے لئے 5.5 ٹی ایم سی فیٹ پانی ، آب پائی اور بجلی کی پیداوار کے لئے 8؍ ٹی ایم سی فیٹ پانی دینے کا فیصلہ صادر کیا۔