8؍آئی اے ایس افسران کے تبادلے،پی سی جعفرمحکمۂ تعلیم کے کمشنر مقرر
بنگلورو،29؍ستمبر (ایس او نیوز) سرواشکشنا ابھیان (ایس ایس اے) کے پراجکٹ ڈائرکٹر پی سی جعفر سمیت 8؍آئی اے ایس افسران کے تبادلے کے ریاستی حکومت نے احکامات جاری کئے ہیں۔ پی ۔ سی۔ جعفر کو محکمہ تعلیمات عامہ کے کمشنر کے طور پر تبادلہ کیاگیا ہے جب کہ موجودہ کمشنر سوگنیا کو کہیں بھی پوسٹنگ نہیں دی ہے۔ اے۔ انوب کمار کو راجو گاندھی رورل ہاؤزنگ بورڈ، کے مینجنگ ڈائرکٹر، این اے پرساد کو بیکورڈ کلاس ڈیولپمنٹ بورڈ کے کمشنر ، اے۔ بی ۔ ابراہیم کو کرناٹک اربن انفراسٹرکچر ڈیولپمنٹ اینڈ فائنانشیل کارپوریشن کا مینجنگ ڈائرکٹر ، ایم ٹی راجو کو سرواشکشنا ابھیان (ایس ایس اے) کے پراجکٹ ڈائرکٹر جے ایس شیومورتی کرناٹک ہاؤزنگ بورڈ کے کمشنر ،منیش مودی گل کو محکمہ مال گزاری کے سکریٹری کے طور پر تبادلہ کرتے ہوئے ریاستی حکومت نے احکامات جاری کئے ہیں۔