بھٹکل:27/اگست(ایس او نیوز)انجمن انسٹی ٹیوٹ آف مینجمنٹ اینڈ کمپیوٹر اپلیکیشن بھٹکل نے طلبا نے پھر ایک بارہبلی کے ایچ ڈی ایم سی سوئمنگ پول میں منعقدہ  کرناٹکا یونیورسٹی انٹر کالج تیراکی چمپئین شپ میں کئی انعامات حاصل کرتے ہوئے ادارے اور کالج کا نام روشن کیا ہے۔

بی بی اے فسٹ ائیر کے سلمان بافقی نے  4x100  میٹر فری اسٹائل میں چاندی کا تمغہ اور اسی سال کے سعود گوائی نے 200میٹر بٹر فلائی میں کانچ کا تمغہ حاصل کیاہے۔ امیر باشاہ ، وفاق جبر علی ، سلمان فقی بھاؤ ، سعود گوائی اور محمد نشیط مشائخ کی ٹیم نے 4x100میٹر میڈلی رلے میں اور 4x100میٹر فری اسٹائل رلے میں بھی چاندی کاتمغہ حاصل کرکے بہترین کارکردگی کامظاہرہ کیا ہے۔اسی طرح انجمن ڈگری کالج بھٹکل کے محمد کعب نے 50میٹر بیک اسٹروک میں کانچ کا تمغہ حاصل کیا ہے۔ متعلقہ مقابلے میں 150مساہمیں نے شرکت کی تھی ۔ ٹیم کی قیادت کالج کے فزیکل ڈائرکٹر موہن میستا کررہے تھے۔ انتظامیہ ، پرنسپال، اسٹاف اور طلبا نے بہترین مظاہرے پر کھلاڑیوں کو مبارکبادی پیش کی ہے۔