کرناٹک کاانکار آئین کی روح کے خلاف:جے للتا

Source: S.O. News Service | By Faiq Mukri | Published on 29th September 2016, 8:05 PM | ملکی خبریں |

چنئی، 29؍ستمبر(ایس او نیوز ؍آئی این ایس انڈیا )کاویری ندی کا پانی چھوڑنے کے سپریم کورٹ کے فیصلہ کی نافرمانی کو لے کر کرناٹک کی تنقید کرتے ہوئے تمل ناڈو کی وزیر اعلی جے جے للتا نے آج کہا کہ جان بوجھ کر ایسی نافرمانی آئین کی روح کی خلاف ورزی ہے اور عدالت کی توہین ہے۔آبی وسائل کی مرکزی وزارت کی طرف سے بلائی گئی دونوں ریاستوں کے وزرائے اعلی کے میٹنگ میں تمل ناڈو کے چیف سکریٹری پی رام موہن راؤ نے جے للتا کی تقریر پڑھ کر سنائی ۔جے للتا نے کہا کہ ان کی ریاست نے عدالت عظمی کے ہر فیصلہ پر ایماندارنہ طریقہ سے عمل کیا ہے۔انہوں نے کہاکہ اس کے برعکس، کرناٹک نے سپریم کورٹ کے فیصلہ کی نافرمانی کی ہے ۔سپریم کورٹ کے ایک کے بعد ایک کر کے کئی احکامات کی جان بوجھ کر نافرمانی کی گئی۔یہاں ایک اسپتا ل میں داخل جے للتا نے کہا کہ وہ میٹنگ میں اس وجہ سے شریک نہیں ہو پائیں کیونکہ وہ ہسپتال میں داخل ہیں۔انہوں نے کہا کہ وہ اس امید کے ساتھ بحث میں شامل ہوئیں کہ تمل ناڈو کو کاویری کے پانی میں اس کا جائز حصہ ملے گا۔وزیر اعلی نے کہا کہ 31؍اگست 2016کو تامل ناڈو کو کاویری آبی تنازعہ ٹربیونل کے آخری فیصلہ کے مطابق 60.983ٹی ایم سی پانی کی کمی تھی۔انہوں نے کہا کہ ایسی بھاری کمی اور کاویری ڈیلٹا کے علاقے میں کم از کم ایک فصل سامبا کو بچانے کے ارادے سے ان کی ریاست آخری ہدایت کے لیے سپریم کورٹ پہنچنے پر مجبور ہوئی ۔انہوں نے شروع میں 20؍ستمبر تک 15000کیوسک اور بعد میں اس میں ترمیم کرکے 12000کیوسک پانی روزانہ چھوڑے کی ہدایت کرناٹک کو سپریم کورٹ کی طرف سے دئیے جانے کاذکر کیا۔جے للتا نے کہا،لیکن کرناٹک پانی کی ضروری مقدار چھوڑنے میں ناکام رہا۔انہوں نے کہا کہ سپریم کورٹ نے بعد میں اس میں ترمیم کرکے 6000کیوسک کر دیا۔انہوں نے کہا کہ سپریم کورٹ کے فیصلے کی مکمل طور پر نافرمانی کرتے ہوئے کرناٹک تمل ناڈو کے لیے مقررہ مقدار میں پانی نہیں چھوڑ پایاہے ۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...