کارکلا پولیس کی کارروائی ۔چوری اور ڈکیتی انجام دینے والے 4لٹیرے گرفتار

Source: S.O. News Service | By Shahid Mukhtesar | Published on 18th February 2018, 11:15 AM | ساحلی خبریں | ان خبروں کو پڑھنا مت بھولئے |

کارکلا،17؍فروری (ایس او نیوز) بین الاضلاع چوری اور ڈکیتی کی وارداتیں انجام دینے والے چار لٹیروں کو کارکلا پولیس نے گرفتار کرلیا ہے اور ان کے قبضے 8.80لاکھ روپے مالیت کا مسروقہ مال بر آمد کرلیا ہے۔

گرفتار ملزمین کی شناخت بھٹکل سوڈی گیدّے کے رہنے والے نٹراج موگیر(24سال)، بیلاپو کے ساجد رحمان(19سال)، بھٹکل عثمان نگر کے معروف (21سال)اورکارکلا کے امیرالدین عرف صدام (27سال) کے طور پر کی گئی ہے۔پولیس کے بیان کے مطابق گرفتار ملزمین کے قبضے سے کاپو، پڈو بیدری اور کارکلا میں خواتین کے گلے سے چھینے گئے سونے کے ہار، کارکلا میں چرائی گئی سونے کی چوڑی اور واردات انجام دینے کے لئے استعمال کی گئی کار، لوہے کی سلاخ ،قینچی، تلواراور6500روپے نقد بر آمد کیے گئے ہیں۔برآمد شدہ مسروقہ اشیاء کی قیمت کا تخمینہ 8.80لاکھ روپے لگایا گیا ہے۔پولیس کا کہنا ہے کہ نٹراج، معروف اور امیرالدین نے دوسرے ملزمین کے ساتھ مل کر اڈپی او رضلع شمالی کینرا میں مزید 15چوری اور ڈکیتی کے معاملات انجام دئے ہیں جن کے تعلق سے تحقیقات کی جارہی ہے۔

کچھ دن پہلے کارکلا کے بنگلے گُڈّے میں یشودا بھٹ کے گھر میں گھس کر حملہ کرنے کے بعد 168گرام سونے کے زیورات اور ایک لاکھ روپے نقد لوٹ لیے گئے تھے۔اس معاملے کی تحقیقات کے دوران ساجد اور امیرالدین نامی ملزم پولیس کے ہاتھ لگے ۔ان سے پوچھ تاچھ کے دوران معلوم ہواکہ اس معاملے میں مزید چار افراد شامل ہیں۔جن کی گرفتاری کے لئے پولیس نے جال بچھایاموڈبیدری کی طرف جاتے ہوئے ان ملزموں کو گرفتار کرلیا۔بقیہ ملزمین جو ابھی پولیس کے ہاتھ نہیں لگے ہیں ان کی شناخت کاپو کے اظہرالدین، شیموگہ کے شریف اور کاسرگوڈ کے رشید کے طورپر کی گئی ہے۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...