اترپردیش:ملک کے 10آلودہ ریلوے اسٹیشن میں کانپور سینٹرل کا نام ٹاپ پر
نئی دہلی،27؍مئی (ایس او نیوز؍ آئی این ایس انڈیا ) ابھی حال ہی میں ورلڈ ہیلتھ آرگنائزیشن (ڈبلیو ایچ او)کی جانب سے دنیا کے 15سب سے زیادہ آلودہ شہروں کی ایک فہرست جاری کی گئی تھی۔اس فہرست میں 14 شہر ہندوستان کے ہی ہیں جن میں اترپردیش کا کانپور شہر ٹاپ پر تھا۔اب ہندوستان میں اسٹیشنوں کی صاف ستھرائی کو لے کر ریلوے کے انٹرایکٹو وائس رسپانس سسٹم (آئی وی آر ایس )کے ذریعے کرائے گئے سروے میں کانپور سب آلودہ ریلوے اسٹیشن میں بھی ٹاپ پر ہے۔یہ سروے 1 1 سے 17 مئی کے درمیان کیا گیا تھا۔اس میں 342 ٹرینوں میں 300 مسافروں سے بات چیت کرکے ان کی رائے بھی جانی گئی۔سروے میں بہار کا پٹنہ جنکشن دوسرے مقام پر ہے۔اتر پردیش کی راجدھانی لکھنؤ اس میں 9ویں اور چنڈی گڑھ 10 ویں مقام پر آیا ہے۔ملک کے سب سے آلودہ اسٹیشن:1 کانپور مرکزی2 پٹنہ جنکشن3 کلیان4 وارانسی جنکشن5 لوک مانیہ تلک ٹرمنس ممبئی6 الہ آباد7 پرانی دہلی8تھانے9 لکھنؤ10 چنڈی گڑھ ۔