العین میں کینرا مسلم خلیج کونسل کا خوبصورت مشاورتی اجلاس؛ تمام مسائل یکجٹ ہوکر حل کرنے پر زور

Source: S.O. News Service | By I.G. Bhatkali | Published on 31st March 2017, 9:37 PM | ساحلی خبریں | خلیجی خبریں |

العین 31/مارچ (ایس او نیوز) کینرا مسلم خلیج کونسل کا مشاورتی اجلاس مورخہ 31/ مارچ بروز جمعہ متحدہ عرب امارات کے العین میں منعقد کیا گیا جس میں کینراکونسل کی سالانہ رپورٹ کی پیشی کے ساتھ ساتھ آئندہ کے لائحہ عمل پر توجہ دی گئی۔ اجلاس میں گنگولی سے لے کر ہوناور تک کی 25 سے زائد جماعتوں کے نمائندوں نے شرکت کی۔

اجلاس کا آغاز حافظ عبدالخالق گائما کی تلاوت کلام پاک مع ترجعمہ سے ہوا۔ حافظ قاری حماد پلور نے سریلی آواز میں نعت پاک پیش کی۔ کینرا کونسل کے سکریٹری مولوی ارشاد افریقہ ندوی نے تمام جماعت کے مندوبین کا استقبال کیا۔

کینرا کونسل کے جنرل سکریٹری ابومحمد مختصر نے کینرا کونسل کی سرگرمیوں اور انجام دی گئی خدمات کی تفصیلی رپورٹ پیش کی جس میں ولکی میں اسکول کی تعمیر کےلئے ڈھائی گُنٹہ زمین کا عطیہ پیش کرنے پر جناب ریاض قاضی اور عمارت کی تعمیر کے لئے آگے آنے والے بھٹکل مسلم جماعت دمام کے ایک ذمہ دار جناب ارشاد محی الدین صدیقہ کا شکریہ ادا کرتے ہوئے کینرا کونسل کو حوصلہ دینے پر اُن کی بھرپور ستائش کی گئی۔

مشاورتی اجلاس میں کینراکونسل کے کام کو آگے بڑھانے کے لئے ساحلی علاقہ میں ہی ایک دفتر قائم کرنے کے تعلق سے گفتگو کی گئی، اس سلسلے میں منکی خوش قسمت علاقہ رہا جہاں کینرا کونسل کا دفتر قائم کرنے پر اتفاق ہوا۔ کینرا آین آر آئی فورم یا کوسٹل کرناٹکا این آر آئی فورم یا کینرا این آر آئی سوسائٹی کے نام پر اس فورم کوسوسائٹی ایکٹ کے تحت رجسٹرڈ کرنا منظور کیا گیا۔

معظم منّا نے کینرا مسلم خلیج کونسل کے ذریعے ولکی میں تعمیر کئے جانے والے اتحاد پبلک اسکول کی تفصیلی رپورٹ پیش کی۔ انہوں نے بتایاکہ این اے کا کام اب مکمل ہوچکا ہے،  سنگ بنیاد انشاء اللہ  14 اپریل کو رکھا جائے گا۔

اسمبلی انتخابات کے تعلق سے بھٹکل کے حالات پر غور کیا گیا اورحلقہ کے مسلمانوں کو متحد کرنے اور اپنے ووٹ کو تقسیم نہ ہونے دینے پر زور دیا گیا۔

اجلاس کی صدارت کونسل کے صدر جناب عبدالقادر باشہ رکن الدین نے کی، کونسل کے ممبر ڈاکٹر عبداللہ سکری نے نظامت کے فرائم انجام دئے۔ خلیج کونسل کے خازن فضل الرحمن جوکاکو نے کلمہ تشکرپیش کیا اور آخر میں عبدالخالق گائما کی دُعا پر جلسہ اختتام کو پہنچا۔

قائد قوم ڈاکٹر ایس ایم سد خلیل الرحمن، بھٹکل جماعت کے سرپرست جناب عبدالباری محتشم، خلیج کونسل مرڈیشور کے سکریٹری جناب ابومحمد دامدا، دمام جماعت کے ذمہ دار محمد صادق پلور، محمد یونس قاضیا، عبدالرحمن صدیقی، سی اے زاہد، شریف مختصر،  سمیت کافی مندوبین نے بھی اجلاس میں اپنے اپنے تاثرات اور مفید مشوروں سے نوازا۔

اجلاس سے قبل ہیرانگڈی کے قائد، شرائوتی کونسل کے صدر اور کینرا خلیج کونسل کے نائب صدر جناب خواجہ ابکار کی رہائش گاہ پر جماعتوں کے تمام مندوبین کے لئے طعام کا بہترین انتظام کیا گیا تھا۔

 

ایک نظر اس پر بھی

کاروار:ضلع میں اب تک کل 6امیدوار وں نے پرچہ نامزدگی داخل کی

اترکنڑا ضلع کے مختلف ودھان سبھا حلقوں سے جمعہ کے دن کل 6امیدواروں نے اپنا پرچہ نامزدگی داخل کیا۔ ضلع میں بی جےپی کی طرف سے 1، کانگریس 1اور جے ڈی ایس کی طر ف سے 1امیدوار نے اپنی نامزدگی کا پرچہ داخل کیاہے تو 3آزاد امیدواروں نے انتخاب لڑنے کےلئے پرچہ داخل کیا ہے۔

کاروار: انتخابات کے لئے نامزد عملہ کے لئے 22اپریل کو تربیت گاہ : شرکت لازمی ورنہ کارروائی : ڈی سی

ریاستی ودھان سبھا انتخابات2018 کے پیش نظرپولنگ بوتھ عملے کی نشاندہی کرتے ہوئے انہیں تقررنامہ ارسال کیاگیا ہے۔تقررشدہ افسران اور عملے کے لئے 22اپریل کو متعلقہ تعلقہ جات کےمراکز میں انتخابی تربیت گاہ میں حاضری لازمی قرار دی گئی ہے۔ اس سلسلے میں کوئی بھی عملہ غفلت نہ کرنے کی تاکید ...

بغاوت کی شدت کے دوران بی جے پی نے کمٹہ میں دیا دینکر شٹی کو ٹکٹ ؛ کمٹہ بی جے پی امیدوار کا مسئلہ بن گیا تھا اننت کمار کے پاؤں کی زنجیر

بھارتیہ جنتا پارٹی کے اندراسمبلی ٹکٹ کے مسئلے پر جو اندرونی بغاوت ہے وہ ضلع شمالی کینرا میں اب سڑک پر اترتی دکھائی دے رہی ہے۔ ضلع میں اپنی پسند کے امیدواروں کو ٹکٹ دلانے اور اپنی قیادت کا پرچم لہرانے کا منصوبہ بنائے ہوئے مرکزی وزیر اننت کمار ہیگڈے کے لئے کمٹہ اسمبلی سیٹ کا ...

بھٹکل ودھان سبھا حلقہ سے ایرا درگپا نائک نے آزادامیدوار کےطورپر پرچہ داخل کیا

20اپریل بروز جمعہ کو بھٹکل ودھان سبھا حلقہ سے چوتھنی کے مکین ایر ا درگپا نائک نے آزاد امیدوار کی حیثیت سے پرچہ نامزدگی داخل کئے۔ امیدوار ایرا نائک کی طرف سے اے سی دفتر میں داخل کئے افی ڈیوٹ کے مطابق تجارت سے منسلک ہیں اور ایس ایس ایل سی تک تعلیم حاصل کی ہے۔

بھٹکل: ایل ایس نائک نے لگایا کانگریس پر نظر اندازی کا الزام :پریس کانفرنس کے فوری بعد یوٹرن

گذشتہ کئی سالوں سے ہم لوگ کانگریس کے وفادار سپاہی کی طرف پارٹی استحکام میں جٹے ہوئے ہیں مگر حالیہ دنوں میں ہمیں نظر انداز کرتے ہوئے کام کئے جانے کا تعلقہ پنچایت سابق صدر ایل ایس نائک نے الزام لگایا ہے۔

بحرین : 24 شیعہ افراد کو دہشت گرد گروپ تشکیل دینے پر جیل کی سزائیں ، شہریت منسوخ

بحرین میں ایک عدالت نے 24 شیعہ افراد کو ایک دہشت گرد گروپ تشکیل دینے اور تخریبی سرگرمیوں میں ملوث ہونے کے الزامات میں قصور وار قرار دے کر مختلف مدت کی قید کی سزائیں سنائی ہے اور ان تمام کی بحرین کی شہریت منسوخ کردی ہے۔

عسیر میں چیک پوسٹ پر فائرنگ سے چار سعودی سیکیورٹی اہلکار شہید

سعودی عرب میں علاقے عسیر میں چیک پوسٹ پر فائرنگ کے نتیجے میں چار سکیورٹی اہلکار شہید اور متعدد زخمی ہو گئے ہیں۔ حملے کے وقت پانچ اہلکار ڈیوٹی انجام دے رہے تھے۔ فائرنگ سے تین اہلکار موقع پر جبکہ چوتھا ہسپتال منتقلی کے دوران جام شہادت نوش کر گیا۔

سعودی سیکیورٹی اہلکاروں کو شہید کرنے والا مجرم کون تھا 

سعودی عرب کے صوبے عسیر میں جمعرات کے روز ایک چیک پوسٹ پر فائرنگ کے واقعے میں چار سکیورٹی اہل کار شہید اور متعدد زخمی ہو گئے۔ اس مجرمانہ کارروائی میں شریک افراد میں 34 سالہ بندر الشہری بھی شامل تھا جو سعودی شہری دفاع کا اہل کار تھا۔ الشہری سکیورٹی فورسز کی جوابی فائرنگ کے نتیجے ...

امین سیف اللہ بی پی ایل8 201 کرکٹ ٹورنامنٹ میں ڈی وی ایس یونائیٹیڈ کی شاندار جیت؛ این جی ٹی اسٹرائکر کو دی فائنل میں شکست

امین سیف اللہ بی پی ایل 2018 کرکٹ ٹورنامنٹ کے فائنل میں ڈی وی ایس یونائیٹیڈ نے اپنی  فتوحات کا سلسلہ جاری رکھتے ہوئے فائنل میں بھی شاندار جیت حاصل کی اور ایک سخت مقابلے میں این جی ٹی اسٹرائکر کو شکست دے دی۔ اس طرح ڈی وی ایس اس بار کے بی پی ایل کی چمپن شپ حاصل کرنے میں کامیاب ہوگئی۔