نئی دہلی:4 /فروری (ایس اونیوز /آئی این ایس انڈیا) مدھیہ پردیش کے وزیراعلیٰ کمل ناتھ نے پیر کو وزیر اعظم نریندر مودی سے ملاقات کی اوران کے سامنے ریاست سے منسلک کچھ مطالبات رکھے۔وزیر اعظم کے دفتر نے اپنے سرکاری ٹویٹر ہینڈل سے میٹنگ کی ایک تصویر جاری کی۔سرکاری بیان کے مطابق یہ ملاقات تقریباََنصف گھنٹے چلی جس میں وزیراعلیٰ نے وزیر اعظم پر زور دیا کہ مرکزی حکومت کم از کم قیمت ادائیگی کی منصوبہ بندی (پی ڈی پی ایس)خریف 2017سلسلے میں مرکز کے حصے کے 575.90کروڑ روپے جلد سے جلد جاری کیاجائے۔وزیراعلیٰ نے زوردیاہے کہ وزیر اعظم انناداتا آمدنی تحفظ مہم(پی ایم-آشا)کے پہلے کے اعلان پر عمل پر توجہ دی جائے۔اس سے پہلے کمل ناتھ نے ٹویٹ کرکہاہے کہ کہ دہلی میں وزیر اعظم نریندر مودی جی سے رسمی ملاقات کی۔ادھر کمل ناتھ پیر کو کچھ دیرکے لیے لوک سبھا میں پہنچے،وہ چھندوارا سے ممبرپارلیمنٹ ہیں۔