منگلورو3؍اکتوبر (ایس او نیوز)کڈبا سے تعلق رکھنے والے ایک شخص کی لاش ہاسن کے ارکل گوڈی میں پر اسرار حالت میں دستیاب ہوئی ہے۔ لاش کی جیب سے دستیاب ڈرائیونگ لائسنس سے پتہ چلا ہے کہ فوت ہونے والے شخص کا نام عبدالعظیم ہے جوکہ عبدالرحمن نامی شخص کا فرزند ہے اور وہ کڈبا تعلقہ کے بنٹر گرام کا رہنے والاہے۔
عینی شاہدین کا کہنا ہے کہ مذکورہ شخص گزشتہ ایک ہفتے سے ارکل گوڈی میں گھومتا نظر آرہا تھا۔ منگل کے دن رات کے وقت بھی اسے کچھ لوگوں نے دیکھا تھا۔ لیکن بدھ کی صبح میں اس کی لاش دستیاب ہونے سے اس کی موت کے سلسلے میں شکوک و شبہات کا اظہار کیا جارہاہے۔
مقامی پولیس اسٹیشن کے افسران نے جائے وقوع پر پہنچ کر معائنہ کیا۔ لاش کو اسپتال میں منتقل کرتے ہوئے تحقیقات شروع کردی ہے۔